pb 125 r
venoit de Coïmbres et s’avaloit a Saint Jaques devers le duc et les seigneurs, et estoit ce herault au roy de Portingal, et quant le roy fu coronné a Coïmbres, il le fist herault et lui donna a nom Coïmbre. Le herault avoit ja parlé aux seigneurs et dit des nouvelles. Quant Ferrant Martin de Merlo, qui chevauchoit tout Je pas lui et messire Jehan d’Aubrecicourt le vey, si dist: "Vecy le herault du roy de Portingal, qui ne fu, grant temps a, en ce païs. Je lui vueil demander des nouvelles." Tantost ilz furent l’un devant l’autre: "Coïmbre," dist l’escuier, "ou avéz vous tant esté? Il y a plus d’un an que vous ne fustes en ce paÿs." "C’est voir," dist il. "j’ay esté en Engleterre et veü le roy et les seigneurs d’Engleterre qui m’ont fait tout riche, et de la sui ge retourné par mer en Bretaigne, et fu aux nopces du duc de Bretaigne et a la grant feste qu’il fist, n’a pas encore deux mois, en la bonne cité de Nantes, quant il espousa madame Jehanne de Navarre, la
fille au roy de Navarre, et
de la tout par mer voires je montay en Gerlande. Je suy revenu au Port." Endemantres que le herault parloit, l’escuier avoit l’ueil tres
fort sur ung grant esmail que le herault portoit a sa poitrine, ou les armes du roy
de Portingal et de pluseurs seigneurs de Portingal estoient. Si toucha son
doy sur l’armoirie
d’un chevalier de Portingal en disant: "Ha, vecy les armes dont le gentil chevalier messire Jehan Ferrant Percok s’arme. Par ma foy, je les voy moult volentiers, car elles sont a ung aussi grant chevalier que il en y ait nul ou royaume de Portingal, et me fist ung jour tel et si bel service que il m’en doit bien souvenir." A ces mots, il traist quatre florins hors de sa bourse, et les donna au herault qui les prist et dist: "Ferrant, grant mercys." Messire Jehan d’Aubrecicourt regarda les armes quelles le chevalier les portoit. Si les retint et me dist depuis que le champ estoit d’argent a une endenture de gueules a deus caudieres de sables. Quant le herault ot pris congié et il se fu parti, l’escuier commença a faire son compte du chevalier et dist ainsi: "Messire Jehan, l’avéz vous point veü, ce gentil chevalier qui porte ces noires caudieres, dont je me loe si grandement." "Je ne sçay," dist messire Jehan, "mais a tout le mains recordéz moy la courtoisie que il vous fist, car volentiers en orray parler; otant bien en chevauchant ne savons nous de quoy gangler." "Je le vueil," dist Ferrant Martin de Coigne, "car le chevalier vault bien que on parle de lui." Adont commença il son compte et lui a escouter et dist ainsi: pb 125 v
venoit de Coïmbres et s’avaloit a Saint Jaques devers le duc et les seigneurs, et estoit ce herault au roy de Portingal, et quant le roy fu coronné a Coïmbres, il le fist herault et lui donna a nom Coïmbre. Le herault avoit ja parlé aux seigneurs et dit des nouvelles. Quant Ferrant Martin de Merlo, qui chevauchoit tout Je pas lui et messire Jehan d’Aubrecicourt le vey, si dist: "Vecy le herault du roy de Portingal, qui ne fu, grant temps a, en ce païs. Je lui vueil demander des nouvelles." Tantost ilz furent l’un devant l’autre: "Coïmbre," dist l’escuier, "ou avéz vous tant esté? Il y a plus d’un an que vous ne fustes en ce paÿs." "C’est voir," dist il. "j’ay esté en Engleterre et veü le roy et les seigneurs d’Engleterre qui m’ont fait tout riche, et de la sui ge retourné par mer en Bretaigne, et fu aux nopces du duc de Bretaigne et a la grant feste qu’il fist, n’a pas encore deux mois, en la bonne cité de Nantes, quant il espousa madame Jehanne de Navarre, la
fille au roy de Navarre, et
de la tout par mer voires je montay en Gerlande. Je suy revenu au Port." Endemantres que le herault parloit, l’escuier avoit l’ueil tres
fort sur ung grant esmail que le herault portoit a sa poitrine, ou les armes du roy
de Portingal et de pluseurs seigneurs de Portingal estoient. Si toucha son
doy sur l’armoirie d’un chevalier de Portingal en disant: "Ha, vecy les armes dont le gentil chevalier messire Jehan Ferrant Percok s’arme. Par ma foy, je les voy moult volentiers, car elles sont a ung aussi grant chevalier que il en y ait nul ou royaume de Portingal, et me fist ung jour tel et si bel service que il m’en doit bien souvenir." A ces mots, il traist quatre florins hors de sa bourse, et les donna au herault qui les prist et dist: "Ferrant, grant mercys." Messire Jehan d’Aubrecicourt regarda les armes quelles le chevalier les portoit. Si les retint et me dist depuis que le champ estoit d’argent a une endenture de gueules a deus caudieres de sables. Quant le herault ot pris congié et il se fu parti, l’escuier commença a faire son compte du chevalier et dist ainsi: "Messire Jehan, l’avéz vous point veü, ce gentil chevalier qui porte ces noires caudieres, dont je me loe si grandement." "Je ne sçay," dist messire Jehan, "mais a tout le mains recordéz moy la courtoisie que il vous fist, car volentiers en orray parler; otant bien en chevauchant ne savons nous de quoy gangler." "Je le vueil," dist Ferrant Martin de Coigne, "car le chevalier vault bien que on parle de lui." Adont commença il son compte et lui a escouter et dist ainsi: pb 125 v