pb 199 r
faire, l’assault cessa, mais toudis jettoient les engiens dedens la ville a l’aventure. ¶ Adont retrairent Portingalois a leurs logeiz et se raffreschierent, et mistrent a point les bleschiéz. La fut conseilliéz le mareschal de Portingal que on n’assarroit plus, fors par engiens, car a l’assaillir il y avoit trop de painne et trop de coustages de leurs gens, mais on yroit bien escharmuchier aux barrieres pour les compaignons esbannoier et aprendre les armes. Si fut ainsi fait comme il fut ordonné, et y avoit prez tous les jours escharmuche. Et vous dy que ceulx de dedens, a la foiz les sauldoiers et les compaingnons qui y estoient, s’enclooient hors de la porte et entre les barriere de la porte pour escharmuchier mieulx a leur aise. Dont il avint que le mareschal de Portingal, messire Alne Perriere, qui moult estoit uséz d’armes, soubtilla sus cest affaire de
l’escharmuce et en parla a messire Jehan Percok et luy dist: "Je voy que ceulx
soudoiers s’encloent entre la barriere et la porte tout en escarmuchant; et se nous faisons une
chose que je vous diray, que nous presissions VC ou VIC des nostres bien montéz et vous ou moy venissions escarmuchier a ung petit de gens
de commencement a eulx, et quant ilz seroient dedens leur barriere nous recueillissons petit a
petit, je croy que pour la convoitise de gaingnier ilz ou
vreroient leur barriere, et lors nous sauldrions a la barriere et lors les ensommerions nous; et adont l’embusque, dont nulz d’eulx n’en sairoient riens, venroit a course de chevaulx sur eulx. Quant ilz verroient venir efforceement l’enbusque, ilz lairoient estre leur barriere et feroient ouvrir la porte, voulsissent ou non, nous les enforcerions si ques avecques eulx nous entrerions en la ville, et se les Galissiens n’en ouvroient la porte, a tout le mains tous ceulx qui seroient dehors seroient nostre." "Il est veritéz," respondi messire Jehan Ferrant, "or prendéz l’un et je prendray l’autre." Dist le mareschal: "Vous feréz l’embusque entre vous et Vase Martin de Merlo et le Ponnaise de Coigne et je iray a l’escarmuce, car c’est de mon office." ¶ Ce conseil fut tenus; et furent ordonnéz VC hommes bien arméz et bien montéz pour aler en l’embusque, et en trois jours tous entiers on n’escharmuça point, dont les sauldoiers de dedens estoient tous esmerveilliéz et disoient aux Galissiens de la ville: "Or regardéz, mescheans gens, vous voz fuissiéz tantost rendus quant lesPortingalois
vindrent icy, se nous ne fuissions. Nous vous gardons grandement l’onneur de vostre ville, car le roy de Portingal et son host tout s’en partira de chy sans riens faire."
pb 199 v
faire, l’assault cessa, mais toudis jettoient les engiens dedens la ville a l’aventure. ¶ Adont retrairent Portingalois a leurs logeiz et se raffreschierent, et mistrent a point les bleschiéz. La fut conseilliéz le mareschal de Portingal que on n’assarroit plus, fors par engiens, car a l’assaillir il y avoit trop de painne et trop de coustages de leurs gens, mais on yroit bien escharmuchier aux barrieres pour les compaignons esbannoier et aprendre les armes. Si fut ainsi fait comme il fut ordonné, et y avoit prez tous les jours escharmuche. Et vous dy que ceulx de dedens, a la foiz les sauldoiers et les compaingnons qui y estoient, s’enclooient hors de la porte et entre les barriere de la porte pour escharmuchier mieulx a leur aise. Dont il avint que le mareschal de Portingal, messire Alne Perriere, qui moult estoit uséz d’armes, soubtilla sus cest affaire de
l’escharmuce et en parla a messire Jehan Percok et luy dist: "Je voy que ceulx
soudoiers s’encloent entre la barriere et la porte tout en escarmuchant; et se nous faisons une
chose que je vous diray, que nous presissions VC ou VIC des nostres bien montéz et vous ou moy venissions escarmuchier a ung petit de gens
de commencement a eulx, et quant ilz seroient dedens leur barriere nous recueillissons petit a
petit, je croy que pour la convoitise de gaingnier ilz ouvreroient leur barriere, et lors nous sauldrions a la barriere et lors les ensommerions nous; et adont l’embusque, dont nulz d’eulx n’en sairoient riens, venroit a course de chevaulx sur eulx. Quant ilz verroient venir efforceement l’enbusque, ilz lairoient estre leur barriere et feroient ouvrir la porte, voulsissent ou non, nous les enforcerions si ques avecques eulx nous entrerions en la ville, et se les Galissiens n’en ouvroient la porte, a tout le mains tous ceulx qui seroient dehors seroient nostre." "Il est veritéz," respondi messire Jehan Ferrant, "or prendéz l’un et je prendray l’autre." Dist le mareschal: "Vous feréz l’embusque entre vous et Vase Martin de Merlo et le Ponnaise de Coigne et je iray a l’escarmuce, car c’est de mon office." ¶ Ce conseil fut tenus; et furent ordonnéz VC hommes bien arméz et bien montéz pour aler en l’embusque, et en trois jours tous entiers on n’escharmuça point, dont les sauldoiers de dedens estoient tous esmerveilliéz et disoient aux Galissiens de la ville: "Or regardéz, mescheans gens, vous voz fuissiéz tantost rendus quant les
Portingalois
vindrent icy, se nous ne fuissions. Nous vous gardons grandement l’onneur de vostre ville, car le roy de Portingal et son host tout s’en partira de chy sans riens faire."
pb 199 v