pb 195 v
ceulx qui se deffendoient, les Bretons et les cappitaines, quant ilz veirent le pennon du duc venteler, ilz cognurent bien que il estoit la, si s’efforchoient tant plus de faire armes; ainsi et en tel estat furent ilz assaillant et deffendant jusques a heure de tierche, et n’estoit pas apparant que ilz deussent la ville d’Aurenth gaignier si legierement ne de cel assault.
¶ Adont, demanda le duc: "Et qui sont les cappitainnes de la dedens?" On les luy nomma. Dont dist le duc: "Dittes
au mareschal qu’il traitte a eulx ou face traittier pour savoir se ilz vouldront rendre la
ville et mettre en nostre obeÿssance. Je croy que on ne leur a pas encoires demandé.
Aléz", dist il, a ung sien escuier chevalier, "messire Guillaume,
faictes le mareschal venir parler a moy." Le chevalier se departi du duc et chevaucha avant, et vint devers le mareschal et luy dist: "Messire
Thomas, monseigneur vous demande, venéz parler a lui."
¶ Lors se departi le marescal et vint devers le duc. Quant il fut venus,
le duc luy dist: "Mareschal, savéz vous point se ces Bretons qui tiennent celle ville contre nous se vouldroient point mettre en nostre
obeÿssance? Nous travillons nos gens et faisons bleschier et alienons nostre artillerie et si ne
savons quant nous en arrons mestier. Je vous prye, aléz devers eulx et leur
faictes dire que vous vouléz traittier a eulx." Messire Thomas respondi et dist: "Monseigneur, voulentiers, puisque vous vouléz qu’ilz soient pris a merchy, c’est drois qu’ilz le soient." Lors se departi le mareschal du duc et s’en vint jusques a l’assault et dist a ung hyrault: "Va aux cappitaines de ces Bretons et leur dy que je vueil traittier a eulx." Le hyrault respondi et dist: "Sire, voulentiers." ¶ Lors se bouta il ens es fosséz, une cotte d’arme vestié qui avoit esté le duc de Lancastre: "Ouvrés vous, il me faut aler parler a ces Bretons, car le mareschal m’y envoye." ¶ A ces parolles luy firent voye tous ceulx qui la estoient. Le bastard d’Auroy le vey veniret avoit bien veü d’amont des deffenses le convenant du mareschal, comment il avoit parlé a luy.
¶ Si s’en vint aux crestiaux et se monstra et demanda: "Hyraut, que vouléz
vous? Je sui ung des cappitaines de celle ville. Je croy que on vous envoye parler a moy?" "C’est voir", dist le hyrault, que on clamoit Persy, "Monseigneur le mareschal vous mande que vous venéz aux barrieres parler a luy, car il vuelt
avoir traittié et parlement a vous." "Je le vueil", respondi le bastard, "mais qu’il face voz gens retraire et cesser l’assault, car aultrement n’y pb 196 r
ceulx qui se deffendoient, les Bretons et les cappitaines, quant ilz veirent le pennon du duc venteler, ilz cognurent bien que il estoit la, si s’efforchoient tant plus de faire armes; ainsi et en tel estat furent ilz assaillant et deffendant jusques a heure de tierche, et n’estoit pas apparant que ilz deussent la ville d’Aurenth gaignier si legierement ne de cel assault.
¶ Adont, demanda le duc: "Et qui sont les cappitainnes de la dedens?" On les luy nomma. Dont dist le duc: "Dittes
au mareschal qu’il traitte a eulx ou face traittier pour savoir se ilz vouldront rendre la
ville et mettre en nostre obeÿssance. Je croy que on ne leur a pas encoires demandé.
Aléz", dist il, a ung sien escuier chevalier, "messire Guillaume,
faictes le mareschal venir parler a moy." Le chevalier se departi du duc et chevaucha avant, et vint devers le mareschal et luy dist: "Messire
Thomas, monseigneur vous demande, venéz parler a lui."
¶ Lors se departi le marescal et vint devers le duc. Quant il fut venus,
le duc luy dist: "Mareschal, savéz vous point se ces Bretons qui tiennent celle ville contre nous se vouldroient point mettre en nostre
obeÿssance? Nous travillons nos gens et faisons bleschier et alienons nostre artillerie et si ne
savons quant nous en arrons mestier. Je vous prye, aléz devers eulx et leur faictes dire que vous vouléz traittier a eulx." Messire Thomas respondi et dist: "Monseigneur, voulentiers, puisque vous vouléz qu’ilz soient pris a merchy, c’est drois qu’ilz le soient." Lors se departi le mareschal du duc et s’en vint jusques a l’assault et dist a ung hyrault: "Va aux cappitaines de ces Bretons et leur dy que je vueil traittier a eulx." Le hyrault respondi et dist: "Sire, voulentiers." ¶ Lors se bouta il ens es fosséz, une cotte d’arme vestié qui avoit esté le duc de Lancastre: "Ouvrés vous, il me faut aler parler a ces Bretons, car le mareschal m’y envoye." ¶ A ces parolles luy firent voye tous ceulx qui la estoient. Le bastard d’Auroy le vey venir
et avoit bien veü d’amont des deffenses le convenant du mareschal, comment il avoit parlé a luy.
¶ Si s’en vint aux crestiaux et se monstra et demanda: "Hyraut, que vouléz
vous? Je sui ung des cappitaines de celle ville. Je croy que on vous envoye parler a moy?" "C’est voir", dist le hyrault, que on clamoit Persy, "Monseigneur le mareschal vous mande que vous venéz aux barrieres parler a luy, car il vuelt
avoir traittié et parlement a vous." "Je le vueil", respondi le bastard, "mais qu’il face voz gens retraire et cesser l’assault, car aultrement n’y pb 196 r