pb 195 r
le bourbe et de le fange, pour chose que il y eust ilz ne resoingnerent pas la paine, mais se bouterent dedens ce fossé et vindrent jusques au mur. ¶ Quant ceulx qui estoient amont les veirent approuchier de si prez, pour ce ne s’esbahirent ilz pas, mais se deffendirent tres vaillaument. Et lançoient ces Galissiens dardes qui venoient en fillant, dont le coup estoit moult perilleux, car qui en estoit consievis a plain il convenoit qu’il fust bien pavescéz et fort armé s’il n’estoit durement bleschié. ¶ La s’aviserent Anglois pour dreschier eschielles, et furent apportees en pluseurs lieux et dreschiéz amont, car on les avoit ouvrees et carpentees le jour devant que ilz n’avoient point assailliz. ¶ La veissiéz escuiers et chevaliers combattre main a main ces Bretons, qui au voir dire vaillaument se deffendirent, car je tieng la vaillance en ce que tant assaillir se faisoient et bien savoient que ilz ne seroient conforté de nulluy, car l’ordonnance des François et du roy de Castille estoit telle que on lairoit convenir les Anglois en Galisse et ailleurs et aussy, se passer ilz vouloient, sans eulx combattre ne ensonnier, et ces Bretons se tenoient ainsi. "Ha!", disoient aulcuns Anglois, "se touttes les villes de Castille nous donnent autant de paine comme fait ceste, nous n’aurons jamais si
tost fait", et les aultres disoient: "Il y a la dedens grant pillaige que ilz assamblé ont du paÿs et d’environ; pour ce monstrent ilz si grant deffense que ilz vueillent
que on
traicte a eulx de rendre la ville et que tout leur demeure sans riens remettre arriere." Et demandoient les aulcuns: "Qui sont les cappitaines?" "Ce sont deux bastars Bretons, bons hommes d’armes et qui scevent bien que c’est
d’assault et de siege, car ilz y ont esté pluseurs fois. C’est le bastart de Pennefort et le
bastard d’Auroy." "Qui qu’ilz soient", disoient les aultres, "ce sont
vaillans gens, car ilz ne voient apparant ne secours de nul costé et se tiennent ainsi."
¶ Ceulx qui montoient sus les eschielles par appartises d’armes, estoient a la fois reboutéz
et reverséz tout jus et lors y avoit grant huirie des Espaignolz.
¶ Quant le duc de Lancastre fut descoucié et appareillié et il ot oÿ sa messe, il
dist qu’il vouloit venir veoir l’assault. Si monta sus ung coursier et n’estoit point arméz et faisoit
porter devant luy son pennon armoiet plainement de France et d’Angleterre a troix labiaux d’argent, et venteloit au vent par maniere
de une estrainiere, car le courons descendoit bien pres a terre. Et quant le duc fut venus,
si s’efforcha l’assault, car compaignons s’avanchoient affin qu’ilz eussent plus grant loenge, et
aussi pb 195 v
le bourbe et de le fange, pour chose que il y eust ilz ne resoingnerent pas la paine, mais se bouterent dedens ce fossé et vindrent jusques au mur. ¶ Quant ceulx qui estoient amont les veirent approuchier de si prez, pour ce ne s’esbahirent ilz pas, mais se deffendirent tres vaillaument. Et lançoient ces Galissiens dardes qui venoient en fillant, dont le coup estoit moult perilleux, car qui en estoit consievis a plain il convenoit qu’il fust bien pavescéz et fort armé s’il n’estoit durement bleschié. ¶ La s’aviserent Anglois pour dreschier eschielles, et furent apportees en pluseurs lieux et dreschiéz amont, car on les avoit ouvrees et carpentees le jour devant que ilz n’avoient point assailliz. ¶ La veissiéz escuiers et chevaliers combattre main a main ces Bretons, qui au voir dire vaillaument se deffendirent, car je tieng la vaillance en ce que tant assaillir se faisoient et bien savoient que ilz ne seroient conforté de nulluy, car l’ordonnance des François et du roy de Castille estoit telle que on lairoit convenir les Anglois en Galisse et ailleurs et aussy, se passer ilz vouloient, sans eulx combattre ne ensonnier, et ces Bretons se tenoient ainsi. "Ha!", disoient aulcuns Anglois, "se touttes les villes de Castille nous donnent autant de paine comme fait ceste, nous n’aurons jamais si
tost fait", et les aultres disoient: "Il y a la dedens grant pillaige que ilz assamblé ont du paÿs et d’environ; pour ce monstrent ilz si grant deffense que ilz vueillent
que on
traicte a eulx de rendre la ville et que tout leur demeure sans riens remettre arriere." Et demandoient les aulcuns: "Qui sont les cappitaines?" "Ce sont deux bastars Bretons, bons hommes d’armes et qui scevent bien que c’est
d’assault et de siege, car ilz y ont esté pluseurs fois. C’est le bastart de Pennefort et le
bastard d’Auroy." "Qui qu’ilz soient", disoient les aultres, "ce sont
vaillans gens, car ilz ne voient apparant ne secours de nul costé et se tiennent ainsi."
¶ Ceulx qui montoient sus les eschielles par appartises d’armes, estoient a la fois reboutéz
et reverséz tout jus et lors y avoit grant huirie des Espaignolz.
¶ Quant le duc de Lancastre fut descoucié et appareillié et il ot oÿ sa messe, il
dist qu’il vouloit venir veoir l’assault. Si monta sus ung coursier et n’estoit point arméz et faisoit
porter devant luy son pennon armoiet plainement de France et d’Angleterre a troix labiaux d’argent, et venteloit au vent par maniere
de une estrainiere, car le courons descendoit bien pres a terre. Et quant le duc fut venus,
si s’efforcha l’assault, car compaignons s’avanchoient affin qu’ilz eussent plus grant loenge, et
aussi pb 195 v