pb 173 v
seule mesaventure, un cop a meschief. ¶ Or se joindirent ilz en leurs targes, et s’aviserent parmi les visieres de leurs hyaulmes et apoingnerent les lances, et ferirent chevaulx des esperons, et les laissierent courre a voulenté. Et touttesfois pour trouver l’un l’autre, ilz s’adreschierent bien, car ilz s’encontrerent de plains eslas et de droitte visee ainsi bien comme ilz l’eussent ligniet a la cordelle; et se consievierent en la visiere de leurs hyaulmes par tel fachon que leur yeux estincellerent la dedens. Messire Regnault de Roye rompi sa lance en quatre tronchons, et volerent les deux
tronchons si hault que on ne les eust pas jetté ou ilz allerent, et
tinrent tout et touttes le cop a bel. Messire Jehan de Hollande consievy messire
Regnault en la visiere de son hyaulme, mais le cop n’ot point de force: je vous diray
pourquoy. Messire Regnault avoit lachié son hyaulme a son avantaige; il ne tenoit fors
a une seulle petite lanniere, i rompy la contre la lance, et ly hyaulme vola hors de sa teste et
demoura messire Regnault tout nus horsmis de quafe; et passerent tout deux oultre, et porta messire Jehan de Hollande sa lance francement. Tous et touttes
disoient: "Vesla bien et gentilment jousté."
Or retournerent tout le pas chascun chevalier
sus son léz. Messire Regnault fu rehyaulmés et remis en lance; messire Jehan de Hollande reprist la sienne, car riens n’estoit empiree, et quant ilz furent tous deux rasevullié, ilz s’en vindrent l’un contre l’autre ferrant a l’esporon, et s’encontrerent de grant randon et pas ne faillierent, car ilz avoient chevaulx a voulenté et bien aussy les avoient a main, et les savoient mener et conduire; et s’encontrerent a ligne, et se consievirent de plaines lances ens es visieres des hyaulmes, tellement que on vey saillir les estincelles de feu du hoyaulme; messire Jehan de Hollande en receupt ung tres dur horion, car la lance ne ploya point de ce cop, ainçois se tint toutte roide. Aussy ne fist la lance a messire Regnault, et ferirent comme en devant. Messire Regnaut fut consievis de la lance en la visiere du hyaulme, mais la lance de messire Jehan passa oultre sans attaichier, et porta le hyaulme tout jus sus la cruppe du cheval, etdemoura messire Regnault a nue
teste. "Ha!", disrent les Anglois, "ce François prent
avantaige; pourquoy n’est son hyaulme aussi bien bouclé et lachié comme le messire Jehan
de Hollande est? Nous disons que c’est barterie que il y fait; on luy die qu’il se mette en
l’estat de son compaignon." pb 174 r
seule mesaventure, un cop a meschief. ¶ Or se joindirent ilz en leurs targes, et s’aviserent parmi les visieres de leurs hyaulmes et apoingnerent les lances, et ferirent chevaulx des esperons, et les laissierent courre a voulenté. Et touttesfois pour trouver l’un l’autre, ilz s’adreschierent bien, car ilz s’encontrerent de plains eslas et de droitte visee ainsi bien comme ilz l’eussent ligniet a la cordelle; et se consievierent en la visiere de leurs hyaulmes par tel fachon que leur yeux estincellerent la dedens. Messire Regnault de Roye rompi sa lance en quatre tronchons, et volerent les deux
tronchons si hault que on ne les eust pas jetté ou ilz allerent, et
tinrent tout et touttes le cop a bel. Messire Jehan de Hollande consievy messire
Regnault en la visiere de son hyaulme, mais le cop n’ot point de force: je vous diray
pourquoy. Messire Regnault avoit lachié son hyaulme a son avantaige; il ne tenoit fors
a une seulle petite lanniere, i rompy la contre la lance, et ly hyaulme vola hors de sa teste et
demoura messire Regnault tout nus horsmis de quafe; et passerent tout deux oultre, et porta messire Jehan de Hollande sa lance francement. Tous et touttes
disoient: "Vesla bien et gentilment jousté."
Or retournerent tout le pas chascun chevalier sus son léz. Messire Regnault fu rehyaulmés et remis en lance; messire Jehan de Hollande reprist la sienne, car riens n’estoit empiree, et quant ilz furent tous deux rasevullié, ilz s’en vindrent l’un contre l’autre ferrant a l’esporon, et s’encontrerent de grant randon et pas ne faillierent, car ilz avoient chevaulx a voulenté et bien aussy les avoient a main, et les savoient mener et conduire; et s’encontrerent a ligne, et se consievirent de plaines lances ens es visieres des hyaulmes, tellement que on vey saillir les estincelles de feu du hoyaulme; messire Jehan de Hollande en receupt ung tres dur horion, car la lance ne ploya point de ce cop, ainçois se tint toutte roide. Aussy ne fist la lance a messire Regnault, et ferirent comme en devant. Messire Regnaut fut consievis de la lance en la visiere du hyaulme, mais la lance de messire Jehan passa oultre sans attaichier, et porta le hyaulme tout jus sus la cruppe du cheval, et
demoura messire Regnault a nue
teste. "Ha!", disrent les Anglois, "ce François prent
avantaige; pourquoy n’est son hyaulme aussi bien bouclé et lachié comme le messire Jehan
de Hollande est? Nous disons que c’est barterie que il y fait; on luy die qu’il se mette en
l’estat de son compaignon." pb 174 r