pb 167 r
si en fu grandement resjoÿs, et envoya a l’encontre d’elles des plus notables de sa court, le conte d’Anguoisse et le conte de Novarre, messire Jehan Redrigues de Sar, messire Jehan Ferrant Percok de Valrousiaux et bien XL chevaliers, lesquelx chevaulcherent bien deux grandes lieues contre les dames, et les recueillierent liement et grandement et honnourablement. Et la duchesse qui bien le savoit et scet faire, s’acointa aussy moult doulcement des barons et des chevaliers et estant sus les champs, l’un aprés l’autre elle les enclina, et les receupt de parolle et de maniere et par bon arroy; ainsi vindrent ilz jusques en la cité du Port, et fu la duchesse et sa fille et touttes dames et demoiselles ordonnees de logier au palays. ¶ La vint le roy premierement contre les dames, et en recueillant les baisa l’une aprés l’autre, et puis vint la royne bien acompaignié de dames et de damoiselles, laquelle receupt sa dame la duchesse et sa suer moult honnourablement, car bien le sceut faire, et ne les voult onques laissier de si a tant que touttes furent en leurs chambres. Moult fut l’ostel du roy resjoÿs de la venue des dames. De touttes leurs accointances ne me vueil je pas trop ensonnier de parler, car je ne y estoie pas; je ne le say fors par I gentil chevalier nommé messire Jehan Ferrant Percok qui y fu et
qui m’en enfourma. La remonstra la duchesse au roy de Portingal, quant heure fu, touttes les parolles dont le duc son mary l’avoit enditté et chargié du dire, et a touttes le roy respondy moult doucement et
saigement et dist: "Dame et cousine, je suy tous prest, se le introdus de Castille se met avant sus les
champs, et aray sur trois jours troix mille lances, car ilz logent tous
aux champs sus les frontieres de Castille; et array encoires bien XXM combatans des communaultéz de mon royaulme, qui ne sont pas a
refuser, car ilz me vallierent grandement ung jour a la bataille qui fut a Juberotte."
"Sire," dist la dame, "vous parléz bien et grant merchys. Se
riens sourcroist a monseigneur, tantost il le vous seignifiera."
SHF 3-143 sync
¶ Ainsi se tinrent ensamble en telz parolles et en aultres le
roy de Portingal et la duchesse de Castille. Or retournons nous un petit a ceulx de Besances, et compterons comment ilz exploittierent.
Quant ces six hommes de Besances furent
devant le roy de Castille, ilz se mirent a genoulz et luy disoient: "Tresredoubtéz sires, il vous plaise a entendre a nous. Nous sommes icy envoiéz depar vostre ville de Besances, laquelle s’est mise de force en composicion devers le duc de
Lancastre et en souffrance de non estre assaillie IX jours, et la en dedens, se
vous y venéz fors asséz ou pb 167 v
si en fu grandement resjoÿs, et envoya a l’encontre d’elles des plus notables de sa court, le conte d’Anguoisse et le conte de Novarre, messire Jehan Redrigues de Sar, messire Jehan Ferrant Percok de Valrousiaux et bien XL chevaliers, lesquelx chevaulcherent bien deux grandes lieues contre les dames, et les recueillierent liement et grandement et honnourablement. Et la duchesse qui bien le savoit et scet faire, s’acointa aussy moult doulcement des barons et des chevaliers et estant sus les champs, l’un aprés l’autre elle les enclina, et les receupt de parolle et de maniere et par bon arroy; ainsi vindrent ilz jusques en la cité du Port, et fu la duchesse et sa fille et touttes dames et demoiselles ordonnees de logier au palays. ¶ La vint le roy premierement contre les dames, et en recueillant les baisa l’une aprés l’autre, et puis vint la royne bien acompaignié de dames et de damoiselles, laquelle receupt sa dame la duchesse et sa suer moult honnourablement, car bien le sceut faire, et ne les voult onques laissier de si a tant que touttes furent en leurs chambres. Moult fut l’ostel du roy resjoÿs de la venue des dames. De touttes leurs accointances ne me vueil je pas trop ensonnier de parler, car je ne y estoie pas; je ne le say fors par I gentil chevalier nommé messire Jehan Ferrant Percok qui y fu et
qui m’en enfourma. La remonstra la duchesse au roy de Portingal, quant heure fu, touttes les parolles dont le duc son mary l’avoit enditté et chargié du dire, et a touttes le roy respondy moult doucement et
saigement et dist: "Dame et cousine, je suy tous prest, se le introdus de Castille se met avant sus les
champs, et aray sur trois jours troix mille lances, car ilz logent tous
aux champs sus les frontieres de Castille; et array encoires bien XXM combatans des communaultéz de mon royaulme, qui ne sont pas a
refuser, car ilz me vallierent grandement ung jour a la bataille qui fut a Juberotte."
"Sire," dist la dame, "vous parléz bien et grant merchys. Se
riens sourcroist a monseigneur, tantost il le vous seignifiera."
SHF 3-143 sync
¶ Ainsi se tinrent ensamble en telz parolles et en aultres le
roy de Portingal et la duchesse de Castille. Or retournons nous un petit a ceulx de Besances, et compterons comment ilz exploittierent.
Quant ces six hommes de Besances furent
devant le roy de Castille, ilz se mirent a genoulz et luy disoient: "Tresredoubtéz sires, il vous plaise a entendre a nous. Nous sommes icy envoiéz depar vostre ville de Besances, laquelle s’est mise de force en composicion devers le duc de
Lancastre et en souffrance de non estre assaillie IX jours, et la en dedens, se
vous y venéz fors asséz ou pb 167 v