pb 159 v
loenge du monde." Ainsi disoit messire Robert Mareschal quant il vint a l’Escluse.
Entreus que les Anglois se tenoient
et gysoient devant l’Escluse, estoit le païs jusques a Bruges
moult effraiéz, car ilz yssoient hors tous les jours et venoient courrir et fourer bien avant, et tout
de piet, car ilz n’avoient nulz chevaulx.
¶ Et quant ilz avoient fait leur emprinse, ilz s’en retournoient a leur navie et la rentroient,
et tous les nuis y dormoient et puis a l’endemain a l’aventure ilz s’en raloient et nulluy ne leur aloit
au devant. Et autant bien comme ilz s’aloient aventurer sus les parties de soleil couchant, se
mettoient ilz hors a terre quant il leur plaisoit sus les parties de soleil levant, et vindrent fourer et
ardoir la ville de Kekesie sus les dunes de la mer, et ung aultre gros villaige ou
chemin d’Ardembourch et de la mer, que on dist Hosbourch, et faisoient ce qu’ilz vouloient,
et eussent encoires plus fait se ilz voulsissent et se ilz eussent sceu le convenant et l’ordonnance
du paÿs, car ilz estoient tous vuis de gens d’armes. Et quant ilz orent sejourné tant
comme bon leur sembloit, et que nul ne se mist au devant d’eulx pour calengier chose que ilz
eussent prins ne levé ou paÿs ou en la mer, et ilz eurent
bon vent, ilz se departirent et desancrerent, et leverent sus leurs voyles et eschipperent en mer et s’en retournerent vers Angleterre, atout IIC mille frans de pourffit pour eulx que en une maniere comme en aultre, et singlerent tant qu’ilz vindrent a l’entree de la Tamise et la passerent tout contremont jusques a Londres, ou ilz furent recheuz a grant joye, car les bons vins de Poitou et de Saintonge que on cuidoit boire en celle saison en Flandres, en Brabant, en Haynnau, en Liegeet
en pluseurs lieux en Picardie, ilz avoient en leur compaignie.
¶ Si furent vendu et departi a Londres et en pluseurs lieux en Angleterre, et firent ces vins de Poitou la ravaler les vins quatre deniers esterlins au galon.
¶ Et furent les Londriens et pluseurs autres Anglois qui
hantoient la frontiere de Flandres, de Hollande, de Zeellande trop grandement liéz de la prise messire Jehan Bucq, car il leur avoit
porté par pluseurs fois trop de contraires sur mer en allant a Dourdrech, a Zereciel, a Meldebourch et a la Brielle en Hollande. Et vous dy que aulcuns marchans de Zereciel en Zeelande avoient des vins en celle flotte qui venoit de La Rocelle, lesquelz leur
furent tout rendu et delivré et leur dommaige restitué et bien y avoit cause que les Anglois leur fussent courtois, pb 160 r
loenge du monde." Ainsi disoit messire Robert Mareschal quant il vint a l’Escluse.
Entreus que les Anglois se tenoient
et gysoient devant l’Escluse, estoit le païs jusques a Bruges
moult effraiéz, car ilz yssoient hors tous les jours et venoient courrir et fourer bien avant, et tout
de piet, car ilz n’avoient nulz chevaulx.
¶ Et quant ilz avoient fait leur emprinse, ilz s’en retournoient a leur navie et la rentroient,
et tous les nuis y dormoient et puis a l’endemain a l’aventure ilz s’en raloient et nulluy ne leur aloit
au devant. Et autant bien comme ilz s’aloient aventurer sus les parties de soleil couchant, se
mettoient ilz hors a terre quant il leur plaisoit sus les parties de soleil levant, et vindrent fourer et
ardoir la ville de Kekesie sus les dunes de la mer, et ung aultre gros villaige ou
chemin d’Ardembourch et de la mer, que on dist Hosbourch, et faisoient ce qu’ilz vouloient,
et eussent encoires plus fait se ilz voulsissent et se ilz eussent sceu le convenant et l’ordonnance
du paÿs, car ilz estoient tous vuis de gens d’armes. Et quant ilz orent sejourné tant
comme bon leur sembloit, et que nul ne se mist au devant d’eulx pour calengier chose que ilz
eussent prins ne levé ou paÿs ou en la mer, et ilz eurent bon vent, ilz se departirent et desancrerent, et leverent sus leurs voyles et eschipperent en mer et s’en retournerent vers Angleterre, atout IIC mille frans de pourffit pour eulx que en une maniere comme en aultre, et singlerent tant qu’ilz vindrent a l’entree de la Tamise et la passerent tout contremont jusques a Londres, ou ilz furent recheuz a grant joye, car les bons vins de Poitou et de Saintonge que on cuidoit boire en celle saison en Flandres, en Brabant, en Haynnau, en Liege
et
en pluseurs lieux en Picardie, ilz avoient en leur compaignie.
¶ Si furent vendu et departi a Londres et en pluseurs lieux en Angleterre, et firent ces vins de Poitou la ravaler les vins quatre deniers esterlins au galon.
¶ Et furent les Londriens et pluseurs autres Anglois qui
hantoient la frontiere de Flandres, de Hollande, de Zeellande trop grandement liéz de la prise messire Jehan Bucq, car il leur avoit
porté par pluseurs fois trop de contraires sur mer en allant a Dourdrech, a Zereciel, a Meldebourch et a la Brielle en Hollande. Et vous dy que aulcuns marchans de Zereciel en Zeelande avoient des vins en celle flotte qui venoit de La Rocelle, lesquelz leur
furent tout rendu et delivré et leur dommaige restitué et bien y avoit cause que les Anglois leur fussent courtois, pb 160 r