pb 31 r
mais le roy de Navarre li donna le cop de la mort." SHF 3-22 sync En oiant compter son compte de la mort du filz au conte de Foeis eus et pris je grant pitié et le plaigny moult grandement pour l’amour du gentil conte son pere, que je veoie et trouvoie seigneur de si haulte recommendacion, si noble, si large du sien donner et si courtois, et pour l’amour aussi du paÿs, qui demoroit en grant different et par deffaulte d’iretier. Je pris atant congié a l’escuier et le remerciay de ce que a ma plaisance il avoit fait son compte; depuis le vis je en l’ostel du conte de Foeis pluseurs fois, et eusmes moult de parlemens ensamble; et une fois li demanday de messire Pierre de Berne, frere bastard du conte, pour tant que il me sambloit ung chevalier de grant volenté, se il estoit riche homme et point mariéz. Il me respondi: "Mariéz est il voirement, mais sa femme ne ses enfans ne demeurent point avecques luy." "Et pourquoy?" di je. "Je le vous diray", dist l’escuier. "Messire Pierre de Berne a d’usaige que de nuit en dormant il se relieve et s’arme, et trait son espee et se combat et ne scet a qui, voire se on n’est trop soingneux de luy, mais ses varléz et ses chambrelans, qui dorment en sa chambre et qui le veillent,
quant ilz ouoient ou voient, li vont au devant et l’esveillent, et lui dient comment il se maintient, et il dit qu’il n’en scet riens et qu’ilz mentent. Et aucune fois on ne ly a laissiéz nulles armeures ne espee en sa chambre, mais quant il se relevoit et nulles n’en trouvoit, il menoit tel tortore que il sambloit que tous les dyables d’enfer fussent la
dedens avec lui; si que pour le mieulx on
les y a lessiéz, car parmi tant il s’oublie a lui armer et desarmer, et puis si s’en reva couchier." "Et tient il grant terre depar sa femme?" "En nom Dieu," dist
l’escuier, "oïl, mais la dame, par qui l’eritaige vient, possesse des prouffis
et n’en a messire Pierre de Berne que la quatriesme partie." "Et ou se tient la dame?" "Elle se tient", dist il, "en Castille avec le roy, son cousin, et fut son pere conte de Bisquaie, et estoit cousin germain du roy dam Pietre qui fut si cruel, lequel dam
Pietre le fist morir, et voloit aussi avoir pardevers luy ceste damme pour la
emprisonner et saisir toute sa terre, et tant comme il vesqui la damme n’y ot
riens. Et fut dit a la damme, qui s’apelle contesse de Bisquaie, quant son
pere fut mort: "Damme, sauvéz vous, car se le roy dam Pietre vous
tient, il vous fera morir ou mettera en prison, tant est fort courroucié sur vous pb 31 v
mais le roy de Navarre li donna le cop de la mort." SHF 3-22 sync En oiant compter son compte de la mort du filz au conte de Foeis eus et pris je grant pitié et le plaigny moult grandement pour l’amour du gentil conte son pere, que je veoie et trouvoie seigneur de si haulte recommendacion, si noble, si large du sien donner et si courtois, et pour l’amour aussi du paÿs, qui demoroit en grant different et par deffaulte d’iretier. Je pris atant congié a l’escuier et le remerciay de ce que a ma plaisance il avoit fait son compte; depuis le vis je en l’ostel du conte de Foeis pluseurs fois, et eusmes moult de parlemens ensamble; et une fois li demanday de messire Pierre de Berne, frere bastard du conte, pour tant que il me sambloit ung chevalier de grant volenté, se il estoit riche homme et point mariéz. Il me respondi: "Mariéz est il voirement, mais sa femme ne ses enfans ne demeurent point avecques luy." "Et pourquoy?" di je. "Je le vous diray", dist l’escuier. "Messire Pierre de Berne a d’usaige que de nuit en dormant il se relieve et s’arme, et trait son espee et se combat et ne scet a qui, voire se on n’est trop soingneux de luy, mais ses varléz et ses chambrelans, qui dorment en sa chambre et qui le veillent,
quant ilz ouoient ou voient, li vont au devant et l’esveillent, et lui dient comment il se maintient, et il dit qu’il n’en scet riens et qu’ilz mentent. Et aucune fois on ne ly a laissiéz nulles armeures ne espee en sa chambre, mais quant il se relevoit et nulles n’en trouvoit, il menoit tel tortore que il sambloit que tous les dyables d’enfer fussent la
dedens avec lui; si que pour le mieulx on
les y a lessiéz, car parmi tant il s’oublie a lui armer et desarmer, et puis si s’en reva couchier." "Et tient il grant terre depar sa femme?" "En nom Dieu," dist
l’escuier, "oïl, mais la dame, par qui l’eritaige vient, possesse des prouffis
et n’en a messire Pierre de Berne que la quatriesme partie." "Et ou se tient la dame?" "Elle se tient", dist il, "en Castille avec le roy, son cousin, et fut son pere conte de Bisquaie, et estoit cousin germain du roy dam Pietre qui fut si cruel, lequel dam
Pietre le fist morir, et voloit aussi avoir pardevers luy ceste damme pour la
emprisonner et saisir toute sa terre, et tant comme il vesqui la damme n’y ot
riens. Et fut dit a la damme, qui s’apelle contesse de Bisquaie, quant son
pere fut mort: "Damme, sauvéz vous, car se le roy dam Pietre vous
tient, il vous fera morir ou mettera en prison, tant est fort courroucié sur vous pb 31 v