pb 13 v
il vey que messire Robert Canolle avoit brisié et rompu ses traitiéz, et que le chastel de Derval il ne renderoit point, il vint devers le duc et li demanda: "Monseigneur, que ferons nous de ces hostages? Ce n’est pas leur coulpe que le chastel n’est rendu, et ce seroit a grant pitié se vous les faisiéz mourir, car ilz sont gentilzhommes et n’ont point deservy mort." "Dont", respondi le duc, "est il bon qu’ilz soient delivréz?" "Oïl, par ma foy, monseigneur," respondi le chevalier, qui en avoit grandement pitié. "Aléz," dist le duc, "faites en vostre volenté." A ces mots, messire Garsis du Chastel, si comme il me dist, s’en aloit pour delivrer les hostagiers de Derval; si encontra sur son chemin messire Olivier de Clichon, qui li demanda dont il venoit et la ou il aloit. Il lui dist: "Je viengs de monseigneur d’Angou, et voy defi livrer ces hostaigiers." "Delivrer," dist messire Olivier; "attendéz ung petit ou retournéz avec moy devers le duc." Il retourna et s’en vinrent devant le duc, qui estoit tout pensif a son logis. Messire Olivier le salua, et puis li dist: "Monseigneur, quelle est vostre entente; ne morront point ces hostaigiers? Par ma foy, si feront ou despit de messire Robert Canolle et de messire Hue Bree, qui ont menti leur foy, et vueil bien que vous sachiéz se ilz ne meurent, que dedens ung an je ne
mettray bachinet en teste pour vostre guerre. Ilz aroient trop bon marchié se ilz estoient quittés. Ce siege cy vous a cousté LX mille frans,
et puis
vous voléz faire grace a voz ennemis, qui ne vous tiennent nulle loyaulté?" A ces mots, se
refelonna le duc d’Angou et dist: "Messire Olivier, faites en ce que bon
vous semble." "Je vueil qu’ilz meurent," dist messire Olivier, "car il
y a cause, puisque on ne nous tient noz convens." Lors se parti il du duc et vint en
la place devant le chastel, ne onques messire Garsis n’osa parler ne prier
depuis pour eulx, car il eust perdu sa paine, puisque messire Olivier de Clichon l’avoit
en charge. Il fist appeller ung Ansselin; cil estoit la trenche teste, et fist la decoler
deux chevaliers et deux escuiers, dont on eut
grant pitié, et en plorerent plus de IIC en l’ost. Et tantost messire
Robert Canolle fist ouvrir une posterne hors du chastel, et sur les fosséz il fist, ou
despit des François, decoler tous les prisonniers que il tenoit, ne oncques il n’en
respita homme, et puis fist ouvrir la porte du chastel et avaler le pont, et issir ses gens
aux barrieres et saillir oultre les barrieres, et venir combatre et escarmuchier aux François. Et vous di, si comme messire Garsis me dist, que il y ot escarmuche tres
dure et tres forte; et de pb 14 r
il vey que messire Robert Canolle avoit brisié et rompu ses traitiéz, et que le chastel de Derval il ne renderoit point, il vint devers le duc et li demanda: "Monseigneur, que ferons nous de ces hostages? Ce n’est pas leur coulpe que le chastel n’est rendu, et ce seroit a grant pitié se vous les faisiéz mourir, car ilz sont gentilzhommes et n’ont point deservy mort." "Dont", respondi le duc, "est il bon qu’ilz soient delivréz?" "Oïl, par ma foy, monseigneur," respondi le chevalier, qui en avoit grandement pitié. "Aléz," dist le duc, "faites en vostre volenté." A ces mots, messire Garsis du Chastel, si comme il me dist, s’en aloit pour delivrer les hostagiers de Derval; si encontra sur son chemin messire Olivier de Clichon, qui li demanda dont il venoit et la ou il aloit. Il lui dist: "Je viengs de monseigneur d’Angou, et voy defi livrer ces hostaigiers." "Delivrer," dist messire Olivier; "attendéz ung petit ou retournéz avec moy devers le duc." Il retourna et s’en vinrent devant le duc, qui estoit tout pensif a son logis. Messire Olivier le salua, et puis li dist: "Monseigneur, quelle est vostre entente; ne morront point ces hostaigiers? Par ma foy, si feront ou despit de messire Robert Canolle et de messire Hue Bree, qui ont menti leur foy, et vueil bien que vous sachiéz se ilz ne meurent, que dedens ung an je ne
mettray bachinet en teste pour vostre guerre. Ilz aroient trop bon marchié se ilz estoient quittés. Ce siege cy vous a cousté LX mille frans,
et puis
vous voléz faire grace a voz ennemis, qui ne vous tiennent nulle loyaulté?" A ces mots, se
refelonna le duc d’Angou et dist: "Messire Olivier, faites en ce que bon
vous semble." "Je vueil qu’ilz meurent," dist messire Olivier, "car il
y a cause, puisque on ne nous tient noz convens." Lors se parti il du duc et vint en
la place devant le chastel, ne onques messire Garsis n’osa parler ne prier
depuis pour eulx, car il eust perdu sa paine, puisque messire Olivier de Clichon l’avoit
en charge. Il fist appeller ung Ansselin; cil estoit la trenche teste, et fist la decoler
deux chevaliers et deux escuiers, dont on eut
grant pitié, et en plorerent plus de IIC en l’ost. Et tantost messire
Robert Canolle fist ouvrir une posterne hors du chastel, et sur les fosséz il fist, ou
despit des François, decoler tous les prisonniers que il tenoit, ne oncques il n’en
respita homme, et puis fist ouvrir la porte du chastel et avaler le pont, et issir ses gens
aux barrieres et saillir oultre les barrieres, et venir combatre et escarmuchier aux François. Et vous di, si comme messire Garsis me dist, que il y ot escarmuche tres
dure et tres forte; et de pb 14 r