a avancier
a petit de parole ne de man
dement ne de conques pour eulx, se trairont de celle
part pour trouver les armes, car maintenant ilz ne savent ou emploier. Nous vous dirons
pourquoy:
François et
Flamens ont paix ensamble qui grant
temps a n’y fu, et sont trieuves des
Englois et des
François, de
ceulx depar dela la riviere de Loire, jusques a la Saint Jehan Baptiste qui vient. Si verréz venir et afuir gens d’armes, chevaliers et escuiers de France
a grant effort, tant pour trouver les armes que pour veoir ce paÿs, et pour eulx avancier
et pour veoir les
Englois telz y a que ilz ne veirent oncques. Mais, sire,
nous volons et le vous conseillons pour vostre prouffit que tous petis forts, eglises et moustiers
sur le plat paÿs soient abandonnéz et desemparéz, se vous voléz avoir joye du demorant".
Respondi le roy de Castille: "Vous me conseilliéz loyaument et je le feray, et vueil
de cy en avant, et l’ordonne, sans avoir nul conseil dessus, que tout soit abattu et desemparé ce
qui ne se peut tenir, et vous abandonne comme le vostre a prendre tout ce qui en telz fors se
trouvera." Les compaignons dirent: "Sire, c’est bien dit, et nous y
entenderons et aiderons a sau
ver et a garder le demorant." Ceste parole
que le roy de Castille dist a ses gens d’armes et par especial aux chevaliers et escuiers
de France porta aux compaignons II
C mil frans de
prouffit, et especialment a ceulx qui estoient aléz premierement en
Castille, quant
le duc de Lancastre arriva a La Calongne et il s’en ala a la
ville de
Saint Jaques en Galice.
Lors furent parmi le
royaume de Castille, si comme je vous
recorde, abandonnéz tous petis fors, eglises et moustiers qui nulle puissance n’avoient de eulx
tenir. Lors furent atrapéz ces paysans sur le plat paÿs, qui
avoient fortifié
eglises et moustiers et la dedens retrait leurs biens meubles, vins, bledz, avaines, chars et autres
choses, et les y voloient et cuidoient bien tenir et garder, mais ilz leur en avint tout du contraire.
Ces chevaliers et escuiers, et cappitaines de routes avoient leurs gens qui tout prendoient; les
pourveances que ilz trouvoient faisoient ilz bien amener ou aporter a leurs logeis, mais l’or et
l’argent que ilz trouvoient et dont ilz raençonnoient les vilains ou ilz leur faisoient rachapter leurs
biens, tout ce ne venoit a nulle congnois
pb 114 r