pb 112 r
et les recueillierent a seigneur et a damme. Ainsi entrerent pour ces jours en la ville de Saint Jaques, et le premier voyage que ilz firent, ilz alerent tout droit et a pié a l’eglise de Saint Jaques, duc, duchesse et tous les enfans, et se mistrent en oroisons et a genolz devant le benoit corps saint et baron de Saint Jaques, et y firent
grandes offerandes et biaux dons, et me fu dit
que le duc et la duchesse et leurs deux filles a marier,
Philippe et Katherine, se logierent en l’abbaye et maison de leens et y firent leur tinel. Les autres seigneurs, messire Jehan de Hollande, messire Thomas Moriau, et leurs femmes, se logierent en la ville,
et barons et chevaliers qui logier se peurent, et gens d’armes sur les champs tout autour de la ville de Saint Jaques, et qui ne pouoit trouver maison, il faisoit loge et feullie des bois que
ilz copoient, car il en y a asséz ou paÿs, et se tenoient tous aises de ce qu’ilz avoient;
chars et fors vins trouvoient ilz asséz, dont ces archiers buvoient que ilz se couchoient le plus du
temps tous yvres; et tant moult souvent par le trop boire, car c’estoit ou moustisons, ilz avoient
la foire, et au matin si mal en leurs testes que ilz ne se pouoient aidier tout le jour.
SHF 3-101 sync Quant Le Barrois des Barres et Jehan de Chastelmorant, et les chevaliers et escuiers qui ens ou chastel de La Calongne s’estoient tenuz, entendirent que le duc et la duchesse estoient paisiblement entréz en la ville de Saint Jaques, et que on les y avoit receus, si parlerrent ensamble et se conseillierent quelle chose ilz feroient, et distrent: "Il ne nous vault riens a cy demorer ne tenir; nous n’y ariemes jamais nulle bonne aventure. Retraions nous a Burges devers le roy. Si sarons quelle chose il vouldra faire. Il ne peut estre que il ne voise au devant de ces Englois, car se il les laisse convenir ne eulx logier ne amasser ou paÿs, petit a petit ilz le conquerront et seront seigneurs de Castille, et nous est plus honnourable asséz de la aler que de cy estre." Ce conseil fu tenu.Ilz s’ordonnerent pour partir et
tourserent tout et yssirent hors du chastel de La Calongne, et le recommanderent a ceulx
que ilz y avoient trouvéz quant ilz y entrerent, et prinrent guides qui congnoissoient le paÿs; bien le convenoit, autrement ilz eussent esté rencontréz. Si firent tant et chevaucherent si
saigement parmi le paÿs de Bisquaie, en costiant la Galice, que ilz
vinrent pb 112 v
et les recueillierent a seigneur et a damme. Ainsi entrerent pour ces jours en la ville de Saint Jaques, et le premier voyage que ilz firent, ilz alerent tout droit et a pié a l’eglise de Saint Jaques, duc, duchesse et tous les enfans, et se mistrent en oroisons et a genolz devant le benoit corps saint et baron de Saint Jaques, et y firent
grandes offerandes et biaux dons, et me fu dit
que le duc et la duchesse et leurs deux filles a marier,
Philippe et Katherine, se logierent en l’abbaye et maison de leens et y firent leur tinel. Les autres seigneurs, messire Jehan de Hollande, messire Thomas Moriau, et leurs femmes, se logierent en la ville,
et barons et chevaliers qui logier se peurent, et gens d’armes sur les champs tout autour de la ville de Saint Jaques, et qui ne pouoit trouver maison, il faisoit loge et feullie des bois que
ilz copoient, car il en y a asséz ou paÿs, et se tenoient tous aises de ce qu’ilz avoient;
chars et fors vins trouvoient ilz asséz, dont ces archiers buvoient que ilz se couchoient le plus du
temps tous yvres; et tant moult souvent par le trop boire, car c’estoit ou moustisons, ilz avoient
la foire, et au matin si mal en leurs testes que ilz ne se pouoient aidier tout le jour.
SHF 3-101 sync Quant Le Barrois des Barres et Jehan de Chastelmorant, et les chevaliers et escuiers qui ens ou chastel de La Calongne s’estoient tenuz, entendirent que le duc et la duchesse estoient paisiblement entréz en la ville de Saint Jaques, et que on les y avoit receus, si parlerrent ensamble et se conseillierent quelle chose ilz feroient, et distrent: "Il ne nous vault riens a cy demorer ne tenir; nous n’y ariemes jamais nulle bonne aventure. Retraions nous a Burges devers le roy. Si sarons quelle chose il vouldra faire. Il ne peut estre que il ne voise au devant de ces Englois, car se il les laisse convenir ne eulx logier ne amasser ou paÿs, petit a petit ilz le conquerront et seront seigneurs de Castille, et nous est plus honnourable asséz de la aler que de cy estre." Ce conseil fu tenu.
Ilz s’ordonnerent pour partir et
tourserent tout et yssirent hors du chastel de La Calongne, et le recommanderent a ceulx
que ilz y avoient trouvéz quant ilz y entrerent, et prinrent guides qui congnoissoient le paÿs; bien le convenoit, autrement ilz eussent esté rencontréz. Si firent tant et chevaucherent si
saigement parmi le paÿs de Bisquaie, en costiant la Galice, que ilz
vinrent pb 112 v