pb 110 r
Barres
et les chevaliers et escuiers françois qui
en embusche sur le pas les attendoient, leur saillirent au devant en criant: Les Barres au Barrois! La furent ces fourageurs tous esbahis, car
la greigneur partie ne portoient nulles armeures. Il y avoit environ VIXX
archiers qui se misrent gentement a deffense et en ordonnance, et commencierent a traire et
navrerent par leur trait des hommes et des chevaulx, et quant leur trait fu passé, ilz jetterent leurs
archs jus et se mirent les aucuns a deffendre de ce que ilz avoient, et les aucuns se muçoient et
embloient pour eulx sauver. Que vous feroi ge long compte des IIIC Englois fouraigeurs qui la estoient? il en y ot mors bien les IIC, et le demorant se sauverent au mieulx qu’ilz peurent par buissons et par fort bois,
ou ilz se bouterent et ou gens de cheval ne pouoient entrer. Or, revinrent les fuians devant La Calongne, qui recorderent ces nouvelles et comment le Barrois des
Barres et sa route les avoient ruéz jus. Lors, s’estourmirent ceulx de l’ost, et fist le mareschal armer messire Thomas Moriau et plus de VC,
et monterent a cheval, et lui mesmes monta et prist le pennon saint George, et
chevauchierent tant
que ilz vinrent a L’Espinote et sus le pas, ou ilz trouverent leurs gens mors, dont ilz furent moult courrouciéz. Quant ilz furent la venus, ilz n’eurent riens fait, car les François estoient ja retrais et rentréz ou chemin lequel ilz estoient venus; jamais qui ne les eust menéz ilz n’eussent sievy les esclos. Si s’en retournerent sans riens faire. Et tout ainsi comme ilz estoient a une demie lieue de leur ost, ilz regardoient et veoient sur costé les François qui rentroient ou chastel de La Calongne. Si furent moult courrouciéz, maisamender ne le peurent, et fu
ce jour moult blasmés d’aucuns en l’ost en requoy, le mareschal, de ce que il envoioit
ne avoit envoie fouragier ne consenti a aler leurs gens si simplement que sans gens d’armes, quant
il sentoit les ennemis pres de l’ost logiéz, fors asséz pour ruer jus V ou VIC fourageurs; et proprement le connestable et le duc de
Lancastre l’en blasmerent tant que il en fu tout honteux. Mais il s’escusa et dist que, sans
celle fois, ilz y avoient esté X fois et point n’y avoient les fourageurs pris de
dommaige. "Messire Thomas," dist le duc, "soiéz une autre
fois plus avisé, car ce avient en une heure ou en ung jour qui point n’avient en cent."
pb 110 v
Barres
et les chevaliers et escuiers françois qui
en embusche sur le pas les attendoient, leur saillirent au devant en criant: Les Barres au Barrois! La furent ces fourageurs tous esbahis, car
la greigneur partie ne portoient nulles armeures. Il y avoit environ VIXX
archiers qui se misrent gentement a deffense et en ordonnance, et commencierent a traire et
navrerent par leur trait des hommes et des chevaulx, et quant leur trait fu passé, ilz jetterent leurs
archs jus et se mirent les aucuns a deffendre de ce que ilz avoient, et les aucuns se muçoient et
embloient pour eulx sauver. Que vous feroi ge long compte des IIIC Englois fouraigeurs qui la estoient? il en y ot mors bien les IIC, et le demorant se sauverent au mieulx qu’ilz peurent par buissons et par fort bois,
ou ilz se bouterent et ou gens de cheval ne pouoient entrer. Or, revinrent les fuians devant La Calongne, qui recorderent ces nouvelles et comment le Barrois des
Barres et sa route les avoient ruéz jus. Lors, s’estourmirent ceulx de l’ost, et fist le mareschal armer messire Thomas Moriau et plus de VC,
et monterent a cheval, et lui mesmes monta et prist le pennon saint George, et
chevauchierent tant que ilz vinrent a L’Espinote et sus le pas, ou ilz trouverent leurs gens mors, dont ilz furent moult courrouciéz. Quant ilz furent la venus, ilz n’eurent riens fait, car les François estoient ja retrais et rentréz ou chemin lequel ilz estoient venus; jamais qui ne les eust menéz ilz n’eussent sievy les esclos. Si s’en retournerent sans riens faire. Et tout ainsi comme ilz estoient a une demie lieue de leur ost, ilz regardoient et veoient sur costé les François qui rentroient ou chastel de La Calongne. Si furent moult courrouciéz, mais
amender ne le peurent, et fu
ce jour moult blasmés d’aucuns en l’ost en requoy, le mareschal, de ce que il envoioit
ne avoit envoie fouragier ne consenti a aler leurs gens si simplement que sans gens d’armes, quant
il sentoit les ennemis pres de l’ost logiéz, fors asséz pour ruer jus V ou VIC fourageurs; et proprement le connestable et le duc de
Lancastre l’en blasmerent tant que il en fu tout honteux. Mais il s’escusa et dist que, sans
celle fois, ilz y avoient esté X fois et point n’y avoient les fourageurs pris de
dommaige. "Messire Thomas," dist le duc, "soiéz une autre
fois plus avisé, car ce avient en une heure ou en ung jour qui point n’avient en cent."
pb 110 v