que il n’en attendoit autre chose, et ne
descouvry pas a ce commandement tout son coraige, mais bien savoit par les apparans que il veoit
que en celle sayson il aroit forte guerre. Touteffois, le roy de Castille fist tres bonne
chiere aux chevaliers de France et les remercia grandement de leur venue, et prist
la parolle a messire Robert de Braquemont et a messire Jehan, son frere. "Robert," dist le roy, "et vous, Jehan,
quant vous parte
sistes de moy l’autre annee, je vous dy et chargay que vous
apportissiéz, quant vous retourneriéz en ce paÿs, des pelotes de
Paris
pour nous esbatre moy et vous a la palme; mais il vaulsist mieulx que je vous eusse chargié au
raporter des bons bacinéz et des bonnes armeures, caria saison appert que nous les aurons bien
ou emploier". "Sire," respondi Robert de Braquemont,
"nous avons et de l’un et de l’autre, car tous jours ne puet on pas juer ne tousjours armer". Verité est que le roy de Castille fist tres bonne chiere aux compaignons et les
fist tenir tous aises et partout delivrer. Or eurent ilz affection et devotion d’aler en pelerinage au
baron Saint Jaques, puisque ilz estoient venus ou paÿs, car les aucuns le
devoient de devotion. Si se mistrent au chemin tous ensamble pour y
aler et
par compaignie, et firent chargier, tourser et ensommeler tout leur harnois, si comme ilz deussent
aler a une journee de bataille, et bien leur besongna que ilz l’eussent daléz eulx et appareilliéz, et
furent de ce faire grandement conseilliéz, et bien leur enchey que ilz l’eussent, si comme je vous
recorderay temprement. Or, retournons a l’armee du duc de Lancastre, qui estoit partie
et yssue hors des ysles d’Engleterre et costioit
Normendie, et venoit
pour trouver aventure qu’ilz desiroient.
SHF 3-98 sync
Tout en telle maniere, par comparoison,
que faucons pelerins qui ont longtemps sejourné a perche et ont grant fain et desir de voler, tout
en telle maniere ces chevaliers et escuiers d’
Engleterre desiroient a trouver fait
d’armes pour eulx avancier et essaier, et disoient ainsi l’un a l’autre: "Pourquoy n’alons nous
veoir les bendes et les pors de
Normendie? La sont chevaliers et
escuiers qui nous recueilleroient et qui nous combateroient", et tant que les nouvelles
en vinrent au duc. Or, savoit bien le duc, avant que il yssist hors d’
Engleterre, que messire Jehan de Malatrait et le sire de Combor et
Morfenace et grant
pb 106 v