plein de
Normendie, car ilz estoient plus de II
e voilles tout de une venue. Et estoit
grant biauté de veoir ces galees courir par mer armees de gens d’armes et d’archiers et queroient
les aventures, car on leur avoit dit que l’armee de
Normendie estoit sur mer;
voirement y estoient elle avant que ilz se monstrassent sus les bendes de Quarentin, mais ilz sceurent par leurs balengiers que l’armee d’
Engleterre venoit;
si se retrairent ou
havre de Harfleu.
SHF 3-97 sync
Rien n’avient qui ne soit sceu
et especialment de fait d’armes, car les seigneurs, chevaliers et escuiers en parlent
volentiers l’un a l’autre. Quant la desconfiture ot esté a
Juberote du
roy de Castille, ou il prist si grant perte, si comme cy dessus vous avéz oÿ recorder, les
nouvelles en vinrent en France; ce fu rayson, car ceulx qui y avoient perdu leurs
amis les plaindoient; or, n’aparoient nulle part les armes, fors en
Castille; car on
avoit bien oÿ recorder comment le duc de Lancastre, qui demandoit par chalenge
comme son bon droit l’iretaige de
Castille, mettoit sus par mer en
Engleterre une grant armee de gens d’armes, et estoit l’intencion
de
ceulx qui en parloient que ceste armee se trairoit en
Castille et en
Portingal, et que sans faulte il ne pouoit estre que il n’y eust armes. Dont, pour leur
honneur et avancement, chevaliers et escuiers des basses marches se cueillierent et
parlerent, et envoierent l’un a l’autre pour savoir par quel chemin ilz se trairoient en
Castille. Les pluseurs conseilloient que ilz se mesissent a voie par terre, pour eschiever
les perilz de mer et les fortunes, et aussi les rencontres que ilz pourroient avoir de la navie d’
Engleterre. Et les
autres conseilloient que non et que par terre
les chemins sont trop loingtains; et aussi le roy de Navarre n’estoit pas bien des
François, ne aussi il ne les amoit que ung petit, car il disoit, et voir estoit, que on li avoit
osté tout son hiretaige en
Normendie; mais je ne sçay pas se la querelle estoit
juste. Si se doubterent grandement les compaignons des perilz de terre, tant pour le roy de
Navarre que pour autres, car, a prendre leur tour et chemin parmi le
royaume d’Arragon, ilz n’en venroient jamais a chief. Si ques ilz arresterent, tout consideré, que ilz venroient
en la
ville de la Rochelle,
pb 105 v