Quant le duc Jehan de
Lancastre ot ordonné toutes ses besongnes en
Engleterre et il ot pris congié
au roy et a ses freres, il s’en vint a
Bristo et fu la XV jours. Endementres la navie se chargea et appareilla, et furent mis et avaléz ens es
naves et ens es passagieres et balongiers chevaulx plus de II
M, lesquelz
avoient la leurs pourveances de foin, d’avaine, de litiere et d’aigue doulce bien et largement. Si
entra le duc de Lancastre en une galee armee durement belle et grande, et avoit daléz
luy sa grosse nef pour son corps et pour la duchesse Constance, sa femme, qui de grant
coraige aloit en ce voyage, car elle esperoit a recou
vrer son hiretaige de
Castille et estre royne avant son retour, et avoit la duchesse sa
fille, nommee Katherine, et de son premier mariaige deux
autres filles, Ysabel et Philippe, laquelle Philippe estoit a marier; mais Ysabel estoit mariee a messire Jehan de
Hollande, qui estoit la et connestable de tout l’ost, et mareschal messire Thomas Moriau, lequel avoit aussi par mariage une de ses filles a femme, mais elle estoit
bastarde; et fu mere a la dame Moriele, damoiselle Marie de Saint
Hylaire de Haynnau; et estoit amiral de la mer de toute la navie du duc de Lancastre messire Thomas de Persi. La estoient messire Yon Filwarin, le sire
de Lussi, messire Henry de Biaumont, le sire de Pouvins, messire
Jehan Abuvrele, le sire de Talbot, le sire de Basset, messire
Guillaume de Biauchamp, messire Guillaume de Windesore, messire Thomas
Traiton, messire Hugues Lespensier, le sire de Willebi, le sire de
Manne, le sire de Ware, le sire de Breston, messire Guillaume de
Fervichon, messire Jehan d’Aubrechicourt, messire Hugues de Hastinges, messire Thomas Vaucestre, messire Maubruny de Linieres, messire
Loÿs de Rocestre,
messire Jehan Soustree, messire Philippe Titiel,
messire Jehan Boulouffre, messire Robert Clichon, messire Nicolle
Trencon,
Huguenin de Cavrelee, David Houlegrave, Thomas Alory, Hobekin de Baucestre, et pluseurs autres tous
a pennons, sans les barons; et estoient bien largement mille lances, chevaliers et
escuiers de bonnes gens, et II
M archiers et mil gros varléz.
Si orent biau tamps et bon vent, car ce fu ou moys de may que il fait bel et joly, et qu’il vente a
point. Et s’en vinrent costiant les ysles de Visque et de Grenesie et tant que on les veoit
bien tout a
pb 105 r