congnoissoient le
paÿs ne les chemins, ilz se departirent de Hantonne et esploiterent tant
que ilz vindrent a
Londres; si descendirent en Grecerche, a l’ostel au Faucon sus Thoumelin de Wincestre, et renvoierent par les guides qui amenéz
les avoient leurs chevaux arriere.
SHF 3-76 sync Si bien leur chey que le roy
d’Engleterre et tous ses oncles estoient a
Londres ou a
Westmoustier, dont ilz furent moult resjoÿs, et vinrent a
Londres ainsi
que a l’eure de tierce; si y disnerent et aprés disner ilz s’ordonnerent et prinrent les lettres qui
s’adreçoient au duc de Lancastre et a la duchesse, et s’en alerent devers eulx.
Quant le duc et la duchesse sceurent qui c’estoient, si en furent grandement
resjoÿs, car ilz desiroient a oïr nouvelles de
Portingal; on leur en avoit dittes
aucunes, mais ilz n’y adjoustoient point de foyr pour tant que le roy ne nul du paÿs ne leur avoit point envoiéz par lettres. Si entrerent le grant maistre de Saint Jaques et
Laurentien Fougasse en la chambre du duc, et la estoit la
duchesse, et pour ce que Laurentien savoit bien parler françois il parla
tout premierement; quant il ot fait la reverence au duc et a la duchesse, li bail
la les lettres qui venoient de
Portingal. Le duc
les prist et donna a la duchesse celles qui appartenoient a lui; si les lisierent chascun et
puis les recloirent. Si dist le duc: "Vous nous estes les biens venus en ce paÿs; nous yrons demain devers le roy
et vous ferons toute
adresce, car c’est raison." Adont tira la duchesse Laurentien
appart et li demanda des nouvelles de
Castille et de
Portingal,
et comment on s’i demenoit; selon ce que la dame parla, Laurentien
respondi bien et a point. Adont fist le duc venir vin et espices; si burent et prinrent
congié, et puis retournerent ce soir a leur hostel. A l’endemain, a heure de prime, tous
deux s’en alerent devers le duc et le trouverent que il avoit oÿ sa messe.
Si entrerent en une barge et alerent par
la Tamise a
Wesmoustier, ou le roy estoit et la greigneur partie du conseil d’Engleterre. Le
duc de Lancastre les fist entrer en la chambre du conseil et dist au roy: "Monseigneur, vecy le grant maistre de Saint Jaques de Portingal
et ung escuier du roy de Portingal qui vous aportent lettres; si les voiéz." "Volentiers", dist le roy. Adont s’agenoueillierent devant
pb 85 v