"Aléz vous ent atout voz
gens, ceulx que je vous
ay delivréz (c’est assavoir les dessus nommez), c’est asséz pour ouvrir le passaige de
Honguerie, et entréz en la terre du conte de Nazara et la destruiséz toute. Si
trestost comme je sçaray que vous y seréz logiéz, je vous iray veoir a tout le demourant de mon
peuple; je vueil toute
Honguerie mettre en ma subjection et puis le
royaume
d’Alemaigne. Il m’est destiné; se dient les sors de mon païs et les devins d’
Egypte que je doy estre sire et roy de tout le monde; et le lieu ou je yroie le plus
volentiers ce seroit a
Romme veir la grandeur de
Romme, car
elle est anciennement de nostre hiretaige, et nos predecesseurs l’ont conquise et gouvernee
plusieurs fois, et la vueil je porter couronne et menray le
calipse de Baudes, et le
taken de Tartarie, et le
soudan de Babilone qui m’y couronneront." Ceulx
respondirent, qui estoient a genolz devant L’Amourat, que ilz acompliroient son desir
et se departiroient de lui atout LX
M Turcs, entre
lesquelz il y en avoit XX
M de tous les plus aidables, les plus preux, les
plus armeres de toute
Turquie et ceulx menoient l’avantgarde. Tant exploiterent
ceulx, que ilz vinrent en
tre les montaignes de Nazara et ne
trouverent en l’entree des pas nul empeschement, et se bouterent ceulx de l’avantgarde dedens,
et les conduisoient le
duc de Meke et le duc de Damiete; et passa ceste
avantgarde toute l’embusche du conte de Nazara et encores des autres grans foison.
Quant le conte et les
Hongriens veirent qu’ilz en avoient leur charge,
ilz firent ouvriers entrer en euvre et abatre bois et gros sapins de travers les pas, et empescheerent
si les destrois que tout fu clos, ne il n’estoit pas en puissance d’omme de point aler avant.
La y ot enclos bien XXX
M Turcs, qui
furent des
Hongres assaillis et trais des deux pars des bois. La
furent ilz tellement menéz que tous y demourerent, ne oncques ung tout seul n’en fut
sauvé, et y furent occis les deux ducs; bien en y avoit aucuns qui se
cuidoient sauver pour entrer ens es bois, mais non firent, car ilz furent chaciéz et verséz et mors,
ne oncques
Turc ne se sauva. Or retournerent ceulx de l’arrieregarde, qui ne
peurent passer pour le grant empeschement des bois que on leur avoit coppéz au devant, et
recorderent a L’Amourat le grant meschief qui estoit
pb 77 v