stantinoble tout ce que faire bien pourroit, se il voloit." "Et ce L’Amourat Bakin a il grant gent avec lui?" "Oïl voir; il n’est oncques si, seul
ne ne fu, passé a trente ans, que il n’amaine bien cent mille chevaulx
en sa compaignie, et tousjours est il logié aux champs ne ja ne se mettera en bonne ville, et pour
son corps il a X
M Turcs qui le servent et gardent, et ou
que il voise il maine son pere avecques lui." "Et quel eage peut avoir L’Amourat?" "Il a d’eage bien LX ans et son pere IIII
XX et X, et aime L’Amourat Bakin grandement la
langue françoise et ceulx qui en viennent, et dist que de tous les seigneurs du monde il
verroit le plus volentiers le roy de France et aussi l’estat et ordonnance de France; et quand on lui en parle il li fait grant bien et en recommande tres grandement
les seigneurs." "Et cel
Amourat Bakin, pourquoy tient il en paix le
takem quant il est si grant conquereur?" "Pourtant", dist il, "que
le
takem le crient et ne li oseroit faire guerre, et a certaines villes et certains
pors en Tartarie qui rendent a L’Amourat Bakin grant
treu tous les ans, et aussi ilz sont de une loy; si ne veult pas destruire sa loy. Et la chose dont il
est par pluseurs fois le plus esmerveillié, c’est de ce que les
Crestiens guerrient et
destruisent
ainsi l’un l’autre, et dient que ce n’est pas chose ydoine ne
raisonnable a destruire gens de une loy et une foy l’un l’autre. Et pour tant s’est il ahati pluseurs
fois que de venir a grant puissance en
Crestienté et conquerir tout devant lui; et mieulx
me vaulsist asséz que il me eust acueilli et ahers a la guerre, aussi fesist il a tout mon paÿs, que le
takem de Tartarie." On demanda au
roy d’Ermenie
pourquoy; il respondi a la demande et dist ainsi:
"
L’Amourat Bakin est ung sire de noble
condicion, et se il estoit plus jone XXX ans que il n’est, il seroit taillié de faire de
grans conquestes la ou il se vouldroit traire, car quant il a conquis ung païs ou une ville ou une
seignourie, il n’en demande que l’ommage; il laisse ceulx en leur creance, ne oncques ne bouta,
ne ja ne fera, homme hors de son hiretaige. Il n’en demande a avoir que la souveraine domination,
pourquoy je di se il eust conquis le
royaume d’Ermenie, si comme les
Tartres ont fait, il me eust tenu en paix et mon royaume en sa foy et loy, parmi la
recongnoissance que je lui eusse fait et aussi tenu a souverain seigneur, si comme aulcuns hauls
barons qui marchissent a lui
pb 74 v