et au parfait
de l’eritaige vous ne pouéz venir fors que par bataille. Et exemple je vous fay du roy dan
Henry, vostre cousin, le pere de Jehan, qui est a present roy de toute Castille, d’Espaigne, de
Toulete, de Galice, de Corduan et de Sebille. Il vint a tous ses hiretaiges par bataille, ne
jamais il n’y fust venu autrement, car vous savéz comment la puissance du
prince de Galles et d’Acquitaine remist le roy dan Pierre, vostre cousin, en la
possession et hiretaige des terres encloses dedens les
Espaignols, et depuis par
une journee de
bataille que il ot contre luy devant Mancuel il perdi tout, et fu le roy
dan Henry en possession comme en devant, a laquelle journee il aventura tout; aussi vous
fault il aventurer, se vous voléz vivre a honneur." "Par mon chief," dist le roy, "vous dictes voir, et jamais ne vueil avoir autre conseil sur cestui, car il nous est
prouffitable et honnourable."
SHF 3-36 sync
Sur cel estat se departi le parlement, et fu
ordonné et arresté que dedens trois jours on se metteroit sur les champs et
prenderoit on terre et place pour attendre les ennemis. On tint ces trois jours les
portes de
Luscebonne si closes que oncques homme ne femme n’en sailli, car le
roy
ne les
Luscebonnois ne voloient pas que leurs
ennemis sceussent leur convenant. Quant ce tantet d’
Englois qui la
estoient entendirent que on chevaucheroit et que on yroit vers Saint Yrain, ou
le roy de Castille et ses gens estoient, si en furent grandement resjoÿs. Adont firent
toutes gens appareillier leurs armeures et ces archiers leurs archs et leurs saietes, et tous les autres
selonc ce que il leur besongnoit. Et se partirent ung joedi, aprés boire, de la
cité de
Luscebonne et se mistrent sur les champs, et se logierent ce jour sur une petite riviere a deux lieues de
Luscebonne, le roy et tous aians le
visaige vers Saint Yrain, et disoient tous de grant volenté que jamais en
Luscebonne ne retourner oient si aroient veü leurs ennemis, et que mieulx
valoit de trop que ilz
requesissent la bataille a leurs ennemis que leurs ennemis venissent sur eulx, car on en avoit veü pluseurs signes des requerans et des
non requerans, et que de V les IIII des requerans avoient obtenu
place, et que pres toutes les victoires que les
Englois avoient eu en France sur les
François ilz avoient requis, et que on est par nature plus
fort et mieulx en
pb 49 v