com
ment que ce soit on ne le peut eschever, qui veult faire ce chemin, se on ne
va parmi Nonnay. La estoit l’embusche du seigneur de La Vote, ou
bien avoit II
C lances. Loïs Rambault ne se donna garde.
Quant il fut emmy eulx, le sire de la Vote et ses gens qui estoient tous pourveüs de leur
fait abaissierent les lances et s’en vinrent en escriant: La Vote, ferir a ces compaignons qui chevauchoient espars et sans arroy. La en y ot de premiere venue la greigneur partie de coups de lances portéz par terre, et fu Loïs
Raimbault rué jus de son cheval d’un escuier d’Auvergne, qui s’appelloit Amblardon
de Villejaque. On s’arresta sur luy. Il fu pris et tout le demorant mort ou pris, oncques riens
n’en eschappa. Et treuverent en bouges la somme de trois mille frans que
Loÿs Raimbault avoit receus a Anse de pattis des villaiges de la environ,
dont les compaignons orent grant joye, car chascun en ot sa part. Quant
Limosin
vey Loïs Rambault ainsi attrappé, il s’amonstra en sa presence et dist par
ramprouve: "Loÿs, Loÿs, cy fauldra compaignie.
Souviengne vous du blasme et de la vergongne que vous me fesistes recepvoir a Brude pour vostre amie. Je ne cuidasse pas que pour une femme, se j’avoie ma grace a elle
et elle a moy, que vous me deus
siéz avoir fait recevoir ce que je receu. Se
la chose pareille vous fust avenue a moy, je ne m’en feusse ja courroucié, car deux
compaignons d’armes telz que nous estions lors, se pouoient bien au besoing se passer de une
femme." De ceste parole commencierent les seigneurs a rire, mais Loÿs n’en
n’avoit talent."
"
Par celle prise de
Loÿs Rambault, rendirent
ceulx qui estoient en Brude la ville au seneschal d’Auvergne,
car puisque ilz avoient perdu leur cappitaine et toute la fleur de leurs
gens, il n’y avoit point de tenue. Aussi firent ceulx d’Anse et autres fors qui se
tenoient en Villay et en Forest de leur part, et furent tous joyeux
ceulx qui enclos estoient dedens, quant on les laissa partir, sauves leurs vies.
Loÿs
Rambault fu amené a Nonnay et la emprisonné. On en escripsi devers
le roy de France, lequel ot grande joye de sa prise. Asséz tard aprés, on en ordonna. Il
me semble, a ce que je oy raconter, que il ot la teste copee a
Villeneufve de costé Avignon. Ainsi avint de
Loÿs Rambault. Dieu ait l’ame de luy." "Et biau sire," dist
Bascos de Maulion, "vous ai ge bien
tenu de parole pour passer la nuit, et toutesfois elles sont vrayes?" "Par ma foy,"
respondi ge, "oïl et grant mercis, car a vos comptes oïr ay je eu part autant
pb 40 r