pb 17
En la fin messire Henry, filz au vieconte
de Biaulmont, entra en une barge, et sy fist
naigier jusques au batiel luy XIIe d’archiers,
et les raconsievy as rives et les prist et
les ramena en l’ost, et en fist present a
madamme la royne et a monsigneur Jehan de
Haynau, qui en orent grant joie, et qui dy
rent tantost: "Vechy nostre guerre afinee." SHF 1N-16 sync Sy
fut pris, et mis en prison le dit messires
Hues, SHF 1N-17 sync et le roy d’Engleterre fut delivrés
au seigneur de Bercler, et lui fust bailliés
sur la teste, que il le gardast bien, et le tenist
tout ayse de boire et de mengier tant qu’il
viveroit. Car bien savoient ly barons du
paÿs que tout che que il avoit fait, c’estoit
par l’ennort et consail de messire Hues le Des
pensier. Le sire de Bercler atout grant ar
mee enmena le roy d’Engleterre avoecq
lui en son chastel de Bercler sur le riviere
de Saverne, et la le tint et garda, ensy que
commandé et ordonné luy fu. A l’endemain, quant
la roynne ot pris le saisine et possession du
chastel de Bristo, elle se party et prist le che
min de Londres. Car les bonnes gens de la
cité le volloient veoir, sy s’en allerent celle
part a grant pooir et a grant arroy et faisoit pb 18