Island kingdom bounded to the west by the Marcher lordships and the (still contested) principality of Wales conquered by Edward I; English lordships included parts of modern south Wales (from southern Pembrokeshire through Swansea, Cardiff and on towards Gloucester in England); bounded to the north by the kingdom of Scotland, to the east by the North Sea and to the south by the Channel; included Somerset, Devon and Cornwall to the south-west. Population up to the Black Death of 1348-9 approximately 4 million souls.
croire, se il veissent leur plus biel. Mais ce qui leur brisoit leur pourpos, et brisa par trop de fois, c’estoit qu’il y avoit une riviere
grande et grosse, quant li mers retournoit, entre II hos, par coi il ne
pooient
avenir l’un a l’autre. Et toudis se faisoit li mine. Bien s’en doubtoient chil de Saint
Malo. Vous devés sçavoir qu’en tels assemblees et en tels fais d’armes
comme la avoit, ne pooit yestre que a le fois li fourrageurs ne
se trouvassent sour les camps ou rencontrassent. Car il y avoit des appers jovenes
chevaliers d’un lés et de l’autre qui se desiroient a avanchier. Si en y avoit a le fois dez ruéz jus de l’un costé et de l’autre, ensi que en telz fais d’armes tels aventures aviennent.
Li mineur dou duc de Lenclastre ouvroient songneusement nuit et jour en leur
mine pour venir pardesoubs terre dedens la ville et faire reverser I pan de mur,
affin que tout legierement gens
d’armes et archiers peussent entrer ens.
De cel affaire se doubtoient grandement Morfouache et li chevalier qui
dedens estoient, et congnis soient assés que par ce point il pooient yestre perdus. Et n’avoient garde de nul assaut fors de cesti la. Car leur
ville estoit bien pourveue de toute artille rie et de vivres pour yaux tenir deux ans, se il leur besoingnoit. Et avoient entr’iaux grant cure et grant entente
comment il porroient rompre celle mine. Et estoit le plus grant soing que il avoient dou
brisier. Tant y penserent et traveillierent qu’il en vinrent a leur entente et par
grant aven ture, ensi que les cosez doivent avenir merveilleu sement. Li contes Richarsd d’Arondiel
devoit une nuit faire le gait atout une quantité de ses gens. Chis contes ne fut mies bien songneux de faire
che ou il estoit commis. Et tant que chil de Saint Malo le sceurent, ne sçai
par leur espies ou autrement. Quant il sceurent que heure fut, et que sus le fiance dou gait toute li
hos estoit endormis, il partirent secretement de leur ville. Et vinrent a le couverte
a l’endroit ou li mineur ouvroient, qui gairez n’avoient mais a ouvrer pour acomplir leur emprise. Morfouache et se route, tout apparilliéts de faire che pourquoi il estoit la venus, tout
a leur aise et sans deffence rompirent leur mine, de coi
il y heut aucuns
mineurs la dedens estains qui onques ne s’en partirent. Car la mine reversa sur iaux.
Et quant il heurent ce fait, il disent que il resveillieroient l’ost au lés devers leur ville, affin que chil de l’ost sentesissent et congneussent que vaillaument il s’estoient
portés. Si s’en vinrent ferir en l’un dez corons en escriant
leur cry, et en abatant tentes et trefs et logeis et en blechant et ochiant gens, tant que
tout li host se commencha durement a effraer. Adont se commencha a
retraire Morfouache et li sien dedens Saint Malo sans
point de damage. Et chil de l’ost s’armerent et se traisent devant le tente dou duc qui fut grandement esmerveilliéz de ceste
advenue. Et demanda que ce avoit esté. On lui recorda que par le faute dou gait on avoit perdu le mine et receu ce damaige. Adont fut mandés li contes d’Arondiel devant le duc de Lenclastre et le
conte de Stambruges. Si fut grandement aqueullis de ceste avenue. Mais il s’escusa au plus bel qu’il pot. Et en fut, si comme j’oych dire adont, tous honteux. Et heust plus chier avoir perdu cent mille frans.
SHF 2-67syncCheste
besoingne avenue et ceste mine perdue, li seigneur de l’ost se traisent ensemble a conseil pour sçavoir quel cose il feroient. Si regarderent l’un par l’autre que il avoient perdu
leur saison,
le quelle cose n’estoit pas a recou vrer, et que de faire
nouvelle mine il ne venroient jamais a chief. Car la saison s’en alloit aval et li yviers approchoit. Si heurent conseil, tout consideré pour le meilleur, que il se
deslogeroient et s’en retrairoient en Engleterre. Adont fut ordonné depar le duc et les marescaus dou deslogier
et de rentrer en leur navie qui gisoit a l’ancre ou havene de Saint Malo. Tantost
fu deslogiet tout et touroursé et
mis es vassiaux. Il avoient vent a volentépb 99 r
With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.