venir
jusques a la, que a une petite lieuwe de Ymet y trouverent li
François l’un l’autre. Et quant il se furent tous mis ensamble, il
estoient bien VIC lances. Si cheminerent plus
hardiement, et a plus grant loisir. Nouvelles vinrent a messire Thumas de
Felle ton que li François chevauçoient et venoient ce chemin et
amenoient I trop grant engien de le Riole devant Bregerath. De cez nouvellez furent il tout resjois, et disent que
c’estoit ce qu’il demandoient. Adonc s’armerent il et monterent sour leurs chevaux et
se ordonne rent dou mieux qu’il peurent. Quant il furent tout trait sus les camps, il
n’eurent gaires
atendu quant evous venir lez François
qui venoient en boin arroy et en grant route. Sitost comme il se porrent con gnoistre et
appercevoir, comme cil qui se tenoi ent a ennemis li un l’autre
et qui se desiroient a avanchier et combatre en esporonnant leurs chevaux et en
abaissant les glaves, en escri ant leurs cris, entrerent l’un en l’autre. La heut
de premiers, je vous di, fait tamainte belle jouste et grans appertises d’armes et maint
chevalier et escuier reversé jus de sen cheval a terre. En fais d’armes et en telz poingneys perilleux n’est aventure qui ne aviengne. La fut
Allios de Callay, qui mout apperst escuierset hommes d’armes estoit, conssuis de cop de glave ou haterel
d’un large fer de Bourdiaus ossi trenchant et affilee que nuls rasoirs.
Chis fers lui trencha tout le
haterel et lui passa oultre et lui coppa toutes les vaines, douquel cop il fut porté a terre. Et la
tantost morst dont ce fu dama ges,
quant par telle aventure il fina ensi son temps. La avoit I chevalier de Berri et de Limosin, qui s’appielloit messire Jehan de Lignac, appert hommes d’armez et vaillant
durement, qui ce jour y fist tant mainte belle proeche.
SHF 2-8syncComment les Angloys furent deconfilz et les plus grans sergans de Gascongne pris, et
de Bergerach qui se rendit françoys. Moult fut chis rencontres durs et fors et bien combatus de l’un costé et de l’autre en celle place que on dist Ymet,
assés pres dou dit villa ge.
Et quant les lances furent faillies, il sacquierent les espees, dont il se rencontrerent fierement. Et se combatoient main a main mout vaillanment. La heut fait tamaintez grandez
appertises d’armes, mainte prise et mainte rescousse. Et la fut morst sus le place dou
costé des Englés, uns chevaliers gascons qui s’ape loit li sires de Gernolz et de Carlés et dou costé dez François Thiebaut dou Pont. Cheste bataille fut mout bien combatue et longement dura et y heut fait de biaux fais d’armes.
Car che estoient toutez gens de fait. Par coi la bataille dura plus longement. Mais
finablement li Englés et li Gascon ne peurent obtenir le
plache et lez conquisent li François par biau fait d’armez. Et la prist
et fiancha messires Jehans de Lignacq prisonnier messire Thumas de
Felleton, senescal de Bourdiaus. Et furent la pris sus le place li sirez de
Mucident, li sirez de Duras, li sirez de Longheren et li sirez
de Rosem et s’en sauverent petit de le part des Gascons et des Englés qui ne fust pris ou mort. Et chil qui se sauverent
encontrerent sour leur retour vers Bourdiaus le senescal de Flandres,
mes
sire Guillaumez Helmen, et le maieur de Bourdiaus, messire
Jehan de Multon, atout C lances, qui s’en venoient a Ymet. Mais quant il oyrent ces nouvelles, il retournerent devers Bourdiaux.
SHF 2-9syncApriés ceste besoingne faicte
et le camp delivré et que tout chil qui prisonnier estoient, furent mis en ordonnance,
on se mist au retour pour revenir au siege de Bregerath. Vous devés
sçavoir que li dus d’Ango fu grandement resjoys de cez nouvellez
quant il sceut de verité comment ses gens avoient esploitié pb 81 r
With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.