Sir Thomas Trevet (c. 1350 - 1388), a Somerset knight, probably the son of Sir John Trivet of Otterhampton. He had served with the Black Prince during the invasion of Castile, and fought at the battle of Nájera in 1367. In March 1378 he had been sent to Aquitaine with a group of men-at-arms to assist his uncle, Sir Matthew Gournay, in the defence of the duchy, but he was diverted to Spain to aid the king of Navarre in 1378. Froissart called Trivet, "a most valiant knight".
Sir Thomas Trevet (c. 1350 - 1388), a Somerset knight, probably the son of Sir John Trivet of Otterhampton. He had served with the Black Prince during the invasion of Castile, and fought at the battle of Nájera in 1367. In March 1378 he had been sent to Aquitaine with a group of men-at-arms to assist his uncle, Sir Matthew Gournay, in the defence of the duchy, but he was diverted to Spain to aid the king of Navarre in 1378. Froissart called Trivet, "a most valiant knight".
il retourna en
son païs, Jehans de Castille, aisnés filz au roi Henri
de Castille, qui chiésf se faisoit
de ceste guerre, et le connestable dou roiaume de Castille avoec, qui s’appelloit dans
Pierez de Marit, tenoient le siege et avoient en devant tenu environ la
bonne cité de Panpelune et grant gents desous iaux. En leur compaignie estoient li contes dant Alphons, li contes de Medine, li contes de Marions, li contes de
Ribedé, Pierez Ferrans de Balesque et Pierrez Gonsart
de Modesque, et pluisieurs autres barons et chevaliers de Castille et
leurs gens. Et avoient cil Espaignol, en venant devant Panpelune, pris et ars la ville de Lorinch, et le cité de Viane dalés Le
Groing. Et n’i avoit seigneur nul en Navare qui s’osast monstrer
contre iaux. Mais se tenoit cascuns en son fort et ens es
montaignes. Et tout che savoit bien li rois de Navare. Car tous
les jours il avoit messagiers allans et venans. Mais ils seulx n’y pooit
remediier sans le poissance et le confort des Englés. Li sires de Noefville, qui se tenoit a Bour diaux et qui la estoit envoiés depar le roi d’Engleterre et son conseil, ensi que
vous sçavés, pooit bien savoir les
nouvelles des grans alliances que
li rois ses sires et li rois de Navare avoient
ensamble, avoit ja
prommis au roi de Navare que il les acompliroit a son loial pooir. Si pensa
sus et appella messire Thomas Trivet, I moult vaillant chevalier, et lui dist : "Messire Thomas, vous savés comment nous sommes envoiiés pardecha pour regarder as frontieres dou païs et bouter noz
ennemis hors. Et pour conforter et conseillier le roi de Navare. Et ja a il chil
esté et nous a remonstré le grant besoing qu’il lui touche. Vous fustes presens ou je li heuch convenant qu’il seroit servis et aidiés. Il convient qu’il le
soit : autrement nous y ariens blame, siques, chiers amis et compains,
je vous ordonne a estre chiésf de
nos gens en ceste guerre. Et voel que vous y allés atout VIC lances
et mil archiers. Et je demorrai en le marce de Bourdiaux,
pour tant que j’en suis senescaux et regars depar le roi d’Engle terre. Et
entenderay as besoingnes qui y demeurent.
Car encorez n’est pas toust li païs bien nettiés ne delivrés de nos ennemis." "Sirez," respondi messires Thumas, "vous me faitez plus d’onneur que je ne vaille. Et je
obeiray a vous. Car c’est raison, et m’en acquiteray a mon loial pooir." "Messire Thumas," respondit li sires de
Noefville, "de cela sui je tous confortés."
SHF 2-73syncDepuis ne
demora gairez de temps que messires Thommas Trivés ordonna toutez ses besoingnes et se departit de la cité de Bourdiaus a toute sa charge de gens d’armes et d’archiers. Et prist le chemin de Dax en
Gascoingne. En sa compaignie estoient messires Guillaumes
Cendrins, messires Thumas Breton,
messires Jehan Afuselee,
messires Henris Paule, messires Guillaume Triquelet, messires Loÿs Malin, messires Thumas Foucque, messires Robers
Haston, Andrieux Handesath et Mourot de Plaisac, Gascons. Quant cez gens
d’armes et leur routes furent parvenus jusques a Dax en Gascoingne,
il oyrent la nouvelles que li rois de Navare estoit a Saint
Jehan dou Piet dez Pors. Et faisoit la son mandement et son amas
de gens d’armes. Si en furent plus resjois. De la
cité de Dax estoit capitains uns chevaliers d’Engleterre, oncles
a messire Thomas Trivet, qui s’appielloit messire Mahieu de Gournay, liquelz rechut son cousin et tous les autres moult liement et les aida tous a logier. Li intencion de monseigneur Thumas Trivet estoit telle que d’aler tout droit son chemin et sans
arrest. Mais monseigneur Mahieux de Gournay li dist : "Biaux niés,
puis que vous estes chi a poissance de gens d’armez et d’archiers, il fault delivrer le
païs de aucuns Bretons et François qui tiennent bien XII fors, entre chi et Bayonne. Autrement, se vous les
laissiés derriere, il vous porteront en cel yver trop de contraires. Et la ou vous le ferés, li païs vous en sara bon gre, et je vous en prie." "Par ma foy," respondi
messires Thommas, "et je le voel." pb 101 r
With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.