et d’archiers, estoient
ordonnés de venir a Bour diaux, tant que pour conforter chiaux de Mor taigne, comme messire Mahieu de Gournay qui se tenoit a Bayone, et qui tous les jours avoit a faire en celle marce contre les Gascons et les Bretons qui y tenoient pluisieurs fors. Cil quatre chevalier dessus nommets et leurs routes avoient geu a Pleuuemoude bien I mois et ne pooient avoir vent qui leur durast pour aller en Gascoingne, dont il
estoient mout courouchés. Mais amender ne le pooient. Et si
avés oy comment li sires de Nuefville, d’Engleterre, estoit ordonnés atout gens d’armes et archiers de venir conforter contre les Espaignolz le roi de Navare et pour estre senescal de Bourdiaux et de Bourde loix. Si se trouverent toutes ces gens d’armez a Pleuuemoude.
Et furent mout resjois l’un de l’autre. Depuis la venue le
seigneur de Nuefville, il ne sejournerent point plenté que il heurent vent a
volenté. Si entrerent en leurs vaisseaus qui chargiéts estoient. Et desancrerent dou havene de Pleuuemoude et
leverent les voilles et singlerent devers Gascoingne. Et estoient d’une flote VIXX vassiaux et XL bargez. Et pooient estre
environ mil hommes d’armes et
IIM
archiers. Et n’eurent nul empeschement sus que chis gens ne leur durast toudis. Si entrerent ou havene de Bourdiaux le nuit Nostre Dame en septembre, l’an de Grace
mil IIIC soixante et dix swit.
SHF 2-62syncQuant li Breton et li Poitevin qui tenoient le siege devant Mortaigne sus Mer, les veirent passer de une flote si grant quantité de vassiaux trompant, cornemusant et faisant grant feste, si furent tout pensieux, et cil dou fort touts resjois. Car bien pensoient que il seroient tempre ment delivrés, ou il y aroit bataille. Et que
pas pour noiant faire il ne venoient ou païs que il n’y heust aucun esploit d’armes. Messires Jaques de Monmore et les cappitaines de l’ost se misent ensamble en
conseil et parlementerent longhement comment il se maintenroient. Et se repentoient des
traictiéz que il avoient laissiets
passer. Car I petit en devant li Soudis de l’Estrade avoit volu rendre le
fort, sauf tant que yaux et le leur s’en peussent yestre allés a Bourdiaux sauvement. Mais li Fran chois n’i
volrent entendre. Si envoiierent I he raut parlementer a iaux que maintenant il
seroient receu a traictiés. Li Soudis leur fist respondre que il n’avoient que faire
d’entrer en nul traictié et que leurs secours estoit venus: ou
francement s’en partiroient, ou tout en leur volenté demor roient. Si demora la chose
en ce parti. Et li sirez de Noefville et li Englés s’en vinrent a Bourdiaus. Si furent de messire Guillaume Helman, senescal dez
Landes, et de messire Jehan de Multon, maire de le cité de Bourdiaux,
et de l’arcevesque dou lieu et des bourgois et dez dames grandement
et bel conjois et receus. Si se loga
li sirez de Nuefville en l’abeye de Saint Andrieu. Et fut et demora senescal de Bourdiaux et de Bourdeloix. Assés tost
aprés, li sires de Noefville fist I mandement de chevaliers et d’escuiers
gascons qui pour Englés se tenoient. Et assembla
toutez manierez de gens que il furent bien IIIIM.
Si ordonnerent naves et vassiaux sour la riviere de Garone. Et se departirent
de Bourdiaux en instance que pour venir lever le siege de Mortaigne. Ches nouvellez furent sceuez en l’ost des Franchois que Englés et Gascons, gens d’armes
et archiers, venoient efforciement contreval la riviere de Garonne pour lever
le siege et iaux combatre. Si se misent les capitaines touts ensamble et se conseillierent. Si fut ensi conseilliet que il pb 97 v
With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.