deux escuiers d’Artois, freres, Lambrot de Lam
bres et Tristan. Chil doi par plusieurs foiz
y fisent de grans apertisez d’armes. Et ra
menoient souvent des pourveances de l’
host et des prisonniers, voulsissent ou non
leurs ennemis. Ensi se tinrent il tout l’e
sté, et estoit l’intention de Philippe d’Ar
tevelle et de son conseil que il seroient
la tant que il les affameroient. Car a
l’assaillir il leur cousteroit trop grande
ment. Et firent faire ceulx de Gand, ou
vrer et charpenter a force sur le mont
d’Audenarde I engin merveilleusement
grantd, li quelz avoit XX piés de large et
XX piés jusques a l’estaige et XL piés de
long. Et appelloit on cel engin I mouton,
pour jetter pierres de faiz dedans la ville
et tout effondrer. Encores derechief, pour
plus esbahir ceulx de la garnison d’Aude
narde, il firent faire et ouvrer une bom
barde merveilleusement grande, la quelle
avoit LIII polz de bee. Et jettoit quarreaux
merveilleusement grans, gros et pesans.
Et, quant celle bombarde desclicquoit,
on l’ooit par jour bien cinq lieues loing
et par nuit de dix. Et menoit si grant
tempeste au desclicquer que il sambloit
que tous les deables d’enfer feussent sur
le chemin. Encores fisent faire ung en
gien les Gantoys et assoir devant la
ville, qui jettoit XX croiseules de cuivre
tout boulant. De telz engiens, de ca
nons, de bombardes, de truies et de
moutons se mettoient en paine ceulx
de Gand de adomagier ceulx de Aude
narde. Et de tout ce se confortoient
bellement les compaignons qui dedans
estoient, et remedioient a l’encontre. Et
faisoient des yssues III ou quatre la sep
maine, dont il avoient plus d’onneur
que de blasme et de proufit que de