Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 53 r | Next
pb 53 r
Si fissent li signeur de Franche, qui le plus estoient usé d’armez, sus le pas
sage par ou il convenoit les Englés passer, en la riviere de Sartre, avaler
gros mairiiens aguissiéz et ferir a force en la riviere, par quoy eulx ne
leurs carois ne peuissent passer, et encorez, au descendement de la rivi
ere, au prendre tiere, il fissent fosser grans fosséz et parfons, par quoy
on ne peuist aryver. Enssi ordonnerent il leur besongne, pour donner
grant empecement as Engléz. Or cheminoient ly contez de Bouqui
ghem et ses routez, quant il se partirent dou Pontvolain, et passerent
la forrest del Man et vinrent sus la riviere de Sartre, et la s’aresta toute
ly hoos, car il ne trouvoient ne veoient point de passage, car la riviere
est grosse et parfonde et trop malle a passer, se ce n’est sus les certains
pas la ou on le passe sans pons. Ly avantgarde, qui chevauchoit devant,
avoit quis et cargiet desous et desus la riviere a tout lé. Manis on
n’y trouvoit point de passage fors en che lieu ou ly mairiien estoient
mis et planté a force dedens la riviere. Adonc descendirent ly signeur
et ymaginerent le passage, et dissent: "Par cy, se nous volons oultre, nous
faut passer, car ailleurs ne trouvons nous point de passage." "Or, avant !"
dissent toutez manierez de gens d’armez. "Il ne nous fault point espargnier,
il nous faut a force et traire hors ces mairiiens de l’aige, qui nous tol
lent le passage." La veissiéz barons, chevaliers et escuiers entrer en la riviere
qui estoit rade et courans, et yaulx mettre en grant aventure d’aler
aval, car il estoient armé de toutez piecez horsmis leurs bachinéz,
et la s’aherdoient a ces mairiiens traire hors a force. Et eurent, je vous
dy, moult de painne anchois que il les peuissent avoir hors, si parfont
y estoient il fichiet. Toutesfois, finablement il lez eurent et traissent
tous hors, et laissierent aler aval l’aige. Et quant il eurent che fait,
encorez eurent il moult de painne a ravaler ouniier le rivage, pour
passer ouniiement leur carroy, onquez gens n’eurent tant de paine.
Or regardéz se lez François qui lez poursieuoient et qui les desiroient
a combatre, seuissent che convenant, se il ne leur euissent porté grant
damage, car ly premier ne peuissent avoir aidiet ne conforté les daar
rains ne ly darrains lez premiers, pour lez grans marescagez que il
y avoient a passer. Toutezfois, tant fissent ly Engléz et tant esploitie
rent que il furent tout oultre, carroy et tout, et vinrent che
jour logier a Noion sus Sartre.
SHF 2-168 sync Che propre jour que ly Engléz passerent le riviere de Sartre a si pb 53 v