The Online Froissart

Facsimile mode Settings Browse | Collate

Castiel Noef, ses frerez, et Rammonnéz de Saint Marsen, Gascons, et aultrez,
Englés et Haynnuiers, environ XL lancez, que il chevaucheroient a l’aventure pour
trouver quelconquez cose. Sy chevauchierent che matin de une part et d’autre,
et riens ne trouverent, dont il estoient tout anoieus. Enssi que il retournoient
vers lors gens, il regardent et voient sus lez camps une route de gens d’armez
qui chevauchoient vers Troiez. Et c’estoit ly sirez de Hangiers, qui voirement a
loit che chemin, car ly sirez de Couchi, desous qui il estoit, se tenoit a Troiez.
Sytos que cil Gascon et Engléz veirent le pennon le signeur de Hangiers et
le route, il congneurent bien que il estoient françois, si commenchierent a brochier
apriéz yaulx chevaulz des esperons. Ly sirez de Hangiers lez avoit bien veus,
et doubta que il n’i euist plus grant route que il ne fuissent, si dist a ses gens:
"Chevauchons ches plains deviers Plansi, et nous sauvons, car cil Engléz nous
ont descouvert, et leur grosse route est priéz de chy. Nous ne les poons fuir
ne escapper, il sont trop contre nous, mais mettons nous a requelloite et a sau
veté ou chastiel de Planssi." Enssi comme il l’ordonna, il le fissent, et tirerent
celle part. Evous les Engléz venant et esperonnant sus yaulx, qui les
sieuoient de priéz. La heut I homme d’armez de Haynnau et de Valenchiennez,
de le route le signeur de Vertaing, appert homme d’armez, et s’apelle Pierez Brocons,
qui bien estoit montéz, et abaisse son glave et s’en vint sus le signeur de Han
giers qui fuioit devant ly viers Plansi, et li adrece son glave ens ou dos par
deriere, et puis fiert

chevaulx des esperons, et le cuide mettre hors de la selle.
Mais non fist, car onquez ly sirez de Hangiers

n’en perdi selle ne estriers, quoy que
ly homs d’armez li tenist toudis le fier au dos. Et enssi boutant et chevauchant,
ilz et sa route, s’en vinrent a Planssi. Et droit a l’entree dou castiel, ly sires de
Hangiers par grant apertisse de corps sailly jus de son cheval par devant sans
prendre damage, et se deffiera dou glave, et entra ens es fossés. Chil dou castiel
entendirent a luy sauver et requellier, et vinrent a la bariere, et la eut dure
escarmuce, car ly François, qui estoient afuy jusquez a la, monstrerent vissage,
et cil dou castiel ossi. La traioient cil dou castiel moult aigrement, car il avoient
dez bons arbalestriers, et la ot fait des bellez appertissez d’armez de une part
et d’autre. Et a grant painne sauverent il et requellierent le signeur de Han
giers, qui tres vaillanment en rentrant ou chastiel se combaty. Et toudis venoit
gens de l’avantgarde, messires de Vertaing, messires Thumas Trivés, messires Huez de
Cravelee et li autre, car leurs logeis estoit ordonnéz la. Sy y souffrirent tres
grant painne ly François, et ne peurent miez tout entrer ou castiel, car il
estoient si priéz quoitié que il n’osoient ouvrir avant la barriere que il ne pb 44 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.