The Online Froissart

Facsimile mode Settings Browse | Collate

pb 35 v
ne trouverent qui desist: "Vous avéz mal fait." Quant li gentilhomme, chevalier et escuier, qui
se tenoient a Lille dalléz le conte et ailleurs, entendirent ces nouvelles, si en furent du
rement courouchiet, et a bonne cause. Et dissent au conte que il convenoit que cilz
despis fust amendéz, et li orgueilz de chiaulx de Gaind abatus. Adonc abandonna ly
contez as chevaliers et escuiers a faire guerre as Gantois et a contrevengier leurs
damagez. Si se requellierent et missent ensamble pluiseurs chevaliers et escuiers de Flan
dres, et priierent leurs amis en Haynnau pour eulx aidier a contrevengier et
fissent leur cappitainne dou Hasse de Flandrez, ainnet fil bastart dou conte, I
moult appert chevalier. Chils Hasles de Flandrez et si compaignon se tenoient une fois
en Audenarde, l’autre a Gauvrez, puis a Alos, puis a Tenremonde, et herioient grande
ment les Gantois,

et couroient jusques as barierez de le ville, et abatirent priéz que
tous lez moulins a vent qui estoient environ Gaind, et fissent en celle saisson moult
de despis a chiaulx de Gaind. Et estoit en leur compaignie uns jonez chevaliers de
Haynnau et de grant volenté, qui s’appelloit messires Jaquemez de Werchin, senescal
de Haynnau. Chils en celle saisson fist pluiseurs grans apertissez d’armez environ
Gaind, et s’aventuroit, tels fois estoit, moult follement et moult outrageusement,
et venoit lanchier et combattre as barrierez, et conquist par II ou par trois fois
de leurs bacinéz et de leurs arbalestrez. Chils messires Jaquemez de Werchin, sene
scal de Haynnau, fu uns cheva

liers de grant volenté et qui moult amoit lez armez,
et euist fait sans faulte de luy vaillant homme, se il euist longhement
vesqui, mais il morut jones, et sus se lit, ou chastiel d’Oubiez dallés Mortai
gne, dont che fu damagez.
SHF 2-135 sync Li Gantois qui se veoient heriiet dez gentishommez dou païs de Flandrez et
d’ailleurs, estoient courouchiet et eurent en pensé de envoiier et de priier
au duc Aubert que il vosist retraire et rappeller sez gentilzhommez qui
lez guerriioient. Mais, tout consideré, il veirent bien que il perderoient
leur painne, car ly dus Aubiers n’en feroit riens. Et ossi il ne le voloient
miez courouchier, ne mettre sus ne avant cose par quoi il le courouchaissent ne
merancoliaissent, car il ne pooient sans luy ne sez païs, et ou cas que Haynnau,
Hollandez et Zellandez leur seroit clos, il se contoient pour perdus. Sy ne
tinrent miez che pourpos, mais eurent I autre, que il

manderoient as
chevaliers et as escuiers de Haynnau qui tenoient aucuns hiretagez ou rentez
en Gaind et en le castelerie de Gaind, que il lez vosissent servir, ou il per
deroient leurs revenuez. Ils le fissent, mais nulz n’en fist compte de leur man
dement. Et par especial il manderent au signeur d’Antoing, messire Huez, qui
est chastelains et hiretiers de Gaind, que il lez venist servir de sa chastele
rie, ou il perderoit sez drois et li abateroient son castel de Vianne, qui sciet. pb 36 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.