pb 26 v
Lors que il en fu avissés, il fu sus sa garde et le fist segnefiier ou chastel et
par tout lez ostels en la ville ou li chevalier se logoient. Droitement sus le point
dou jour, vinrent li Flament par tiere et par aigue sus leurs nefs, et avoient
si bien aparilliet leur besongne que pour tantos asaillir. Quant cil dou
castiel et de la ville sentoient que il aprochoient, si commenchierent a son
ner leurs trompettez et a resvillier toutez gens. Et ja estoient la grignour
partie des chevaliers et des escuiers tous arméz. Ly contez de Flandrez, qui dor
moit ens ou castel, entendy ces nouvellez que li Flament estoient venu
et ja asailloient. Tantos il se leva et arma, et issi hors dou castiel, sa
baniere devant luy. Daléz luy, a ce jour, estoient messires Gossuins de Wille,
grant bailllieu de Flandrez, li sires de Grutus, messires Gerars de Rasenghien,
messires Phelippez li Jonez, messires Phelippez de Maminez et des autrez, tels que
messires Huge de Regni, bourgignon. Si se traissent tout cil chevalier desoulx la
baniere dou conte, et allerent a l’asaut qui estoit ja commenchiéz durs
et oribles. Car cil Flament avoient aportéz en leurs nefs canons
dont il traioient les kariaus si grans et si fors que qui en estoit consieu
wis il n’avoit point de remede que il ne fust mors. Mais a l’encontre de
ces kariaus on estoit moult fort pavesciet, et avoient les gens dou
conte grant fuisson de bons arbalestriers qui donnoient par leur trait moult
affaire as Flamens. D’autre part, en son ordenance et a sa deffense estoit
ly dus des Mons, sa baniere devant luy. En sa compaignie estoient ly
sires de Brederode, messires Guillaumes Joie, messires Thieris de le Naire, messire Winans
de Clinperoie et pluiseurs autrez. Et faisoit cascuns bien son devoir dou deffendre.
A une autre porte estoient messires Robers d’Aske, messires Jehans Villains, ly
sirez de Widescot et messires Robiers Marescaulx. Et vous dy que cilz assaulz
fu grans et fors, et asailloient moult ouniement par tiere et par aigue en leurs
nefs li Flament. Et en y ot grant fuisson de bleciéz une partie et de l’autre,
et plus des Flamens que des gentilzhommez, car il s’abandonnoient trop
folement. Si dura cils assaulx, sans point cesser, dou point dou jour
jusquez a haute nonne. Et la eut mort I chevalier de le partie dou conte,
qui s’apelloit messires Hugez de Regni, bourgignon, dont che fu damages,
et ot grant plainte, car par son hardement et ly trop abandonner il fu
ochis. La estoit Rasse de Harselle qui ossy se portoit vaillanment, et de
sa parolle avoecquez son fait rafresquisoit grandement lez Gantois.
SHF 2-120 sync Quant che vint apriés nonne, ly assaulx cessa, car Rasse vei bien
que il se travilloient en vain et que dedens Tenremonde il y avoit pb 27 r