The Online Froissart

Facsimile mode Settings Browse | Collate

pb 26 r
car cil Flament s’aventuroient follement et outrageusement, et venoient jusques
as baillez lanchier et escarmuchier, sy en

y avoit souvent des mors et des bleciéz
par leur outrage. En la ville de Audenarde avoit bien VIIIC lances, chevaliers et escuiers,
et moult vaillans hommez la dedens. En che tamps estoient VIII baron, tels que
le signeur de Gistelle, le signeur de Villers et de Hullut, le signeur d’Escornay, Fla
mens. Et Hainnuiers, le signeur d’Enghien Watier, le signeur d’Antoing, le signeur
de Brifuel, le signeur de Lens et le signeur de Goumignies, les trois freres
de Haluin, messire Jehan, messire Daniel et messire Josse, le signeur d’Estainbourcq,
le signeur de Crane, messire Gerart de Marquelliéz, le signeur de Cohem, le
signeur de Montegni en Haynnau, messire Rasse de Montegni, messire Theri de le

Hamaide, messire Jehan de Grees et tant de chevaliers que il estoient cent et V.
Et si faissoient bons gais et grans, et n’avoient nulle fiance en ceulx de la
ville, et avoient fait retraire les femmez et les enffans de la ville ens es mou
stiers, et la se tenoient. Et cil signeur et leurs gens se tenoient en leurs
maisons. Et pour le trait des canons et dou feu, que li Flament lançoient
et traioient songneusement en la ville pour tout ardoir, on avoit fait cou
vrir les maisons de tiere, par quoi li feus ne s’y peuist prendre.
SHF 2-119 sync Le siege estant devant Audenarde, li Flament et les cappitainnez qui la
estoient, entendirent que li contez leurs sirez estoit a Tenremonde, et
avoit le duc des Mons son cousin et grant fuisson de chevaliers et d’escuiers daléz
lui. Si eurent conseil que il envoiieroient la siis mille de leurs gens pour
veoir

que c’estoit et pour livrer I assault en Tenremonde. Si com il le
consillierent, il le fissent, et se departirent I jour de l’oost tout cil qui or
donné y furent de l’aler, et avoient a cappitaine Rasse de Harselle. Tant
esploitierent cil Flament que il y vinrent I joeudy au soir en un village
a une petite lieue de Tenremonde, sus la riviere de Tenre, et la se logierent.
Cil Flament avoient pourveu grant fuisson de nefs et fait venir a
val sus le riviere, pour entrer ens et assaillir par l’ague et par le tiere. I petit
apriés mienuit, il se leverent et armerent et aparillierent de tous poins,
enssi que pour tantos asaillir que il seroient la venu, et sousprendre
les chevaliers en leurs lis,

et puis se missent au chemin. Aucunez gens dou païs
qui seurent che convenant s’en vinrent de nuit a Tenremonde et en
fourmerent les gardes de cel afaire, et leur dissent: "Soiéz sus vo garde,
car grant fuisson de Gantois gissent anuit moult priés de chi, et ne
savons que il voellent faire." Lez gardez des portez recorderent tout
che au chevalier dou gait, qui s’appelloit messires Theris de Brederode, de Hollandez. pb 26 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.