The Online Froissart

Facsimile mode Settings Browse | Collate

pb 2 v
pas pour l’amour de sa dame, et, se il le refuse, il li tournera a grant blame,
et diray partout ou je venray, que il m’ara refusé par couardisse une jouste
de fier de lance." A la barriere, pour l’eure, estoit uns dez varléz Bernart
Courant, qui ly dist: "Sire de Lagurant, j’ay bien oi vostrez parlers. Or vous
souffrés I petit, je yray parler a mon maistre. Ja ne sera reprocié que
par lasqueté il vous refusse, mais que vous le voelliéz atendre." "Par ma foy,"
respondy ly sirez de Lagurant, "oil." Ly varléz se part et vint en une cambre ou
il trouva son maistre, se ly recorda lez parollez que vous avés oiez. Quant
Bernars ot che entendu, se ly engroissa li cuers ou ventre, et felenia gran
dement et dist: "Ça, mez armes ! Ensielés moy mon coursier, il n’en
yra ja refussés." Tantos fu

fait. Il s’arma et monta a cheval, et prist sa
targe et son glave, et fist ouvrir la porte et la barriere, et se mist
as camps. Quant li sirez de Lagurant le vei venir, si fu tous resjois
et abaissa son glave, et se mist en ordenance de bon chevalier, et ossi fist
ly escuiers, si esperonnerent leurs chevaulx. Tout doy estoient bien
monté et a volenté, sy se consievirent si roidement des glaves enmy
leurs escus que ellez vollerent en piecez. Au passer oultre, Bernars Cou
rans consieuwy a meschief de l’espaulle le signeur de Lagurant et le
bouta hors de sa selle et le jetta sus la terre. Quant Bernars Courans
le vei a terre, il fu tous resjois et tourna tout court son coursier
sus ly, et a ce que li sirez de Lagurant se releva, Bernars, qui estoit
fors escuiers et appers, le prist a II mains par le bacinet et le

tira si
fort a luy que il li esracha hors de la teste et le jetta desoulx son
cheval. Lez gens le signeur de Lagurant qui estoient en l’embusce
veoient bien tout ce, si se commenchierent a desrouter pour venir celle
part et rescoure leur signeur. Bernars Courans regarda sus costé
et lez vey venir, si traist sa dague et dist au signeur de Lagurant:
"Rendéz vous, sire de Lagurant, mon prisonnier, rescous ou non re
scous, ou autrement vous estez mors." Ly sirez de Lagurant, qui avoit
fiance en ses gens pour estre rescous, se taissy tous quois et riens ne
respondy. Quant Bernars Courans vei che que il n’en aroit autre
cose, si fu tous enflaméz d’aïr et se doubta que il ne perdesist le
plus pour le mains, et ly avalla une dague que il tenoit sus le cief
que il avoit toute nue et ly embara la dedens, et puis le rasache, et
fiert cheval des esperons et se relance ens es barrierez, et la descent, pb 3 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.