Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 151 v | Next
pb 151 v
il, quant il saront lez nouvellez que li Flamenc sont desconfy a Rosebeque,
et Phelippez d’Artevelle, leurs cappitainez, mors ? Il n’en seront miez plus liet.
Ossi ne seront autrez bons hommez en pluiseurs villez. Quant ceste bataille fu de
tous poins achievee, on lessa convenir les cachans et lez fuians, on sonna
lez trompetez de retrait, et se retraïst cascuns en son logeis, enssi comme il
devoit estre, mais ly avantgarde se loga oultra la bataille dou roy, ou ly
Flamenc avoient estet logiet le merquedy, et se tinrent tout aise en l’ost
dou roy de France de che qu’il eurent, il avoient asséz. Car il estoient ra
fresqui et ravitailliet de pourveancez qui venoient d’Ippre, et fissent la
nuit ensieuant trop biaux feux en pluiseurs lieux, aval l’ost, des planchons
des Flamens que il trouverent. Car qui en voloit avoir, il en avoit, tantos
requelliet, cargiet son col. Quant ly rois de France fu retrais en son logeis,
et on ot tendu son pavillon de vermel cendal moult noble et moult riche, et il
fu desarméz, sy oncle et pluiseur baron de France le vinrent veoir et conjoir,
che fu raisons. Adont ly ala il souvenir de Phelippe d’Artevelle, et dist a ceux
qui daléz li estoient : "Che Phelippe, se il est mors ou vis devers nous, je le
veroie volentiers." On li respondy que on se meteroit en paine dou veoir,
sy fu nonchiet et criiet en l’ost, quiconquez trouveroit Phelippe d’Artevelle,
on ly donroit X frans, dont veissiéz varlés avanchier et mettre en oevre
et de cherchier entre les mors, qui ja estoient tout desvesty ou priéz, che
Phelippe, pour le convoitise dou gaaignier, tant fu quis que il fu trouvéz, et
recongneux d’un varlet qui l’avoit servit longhement et qui bien le connissoit,
et fu aportéz et atrainéz devant le pavillon dou roy, ly rois le regarde
une espasse, ossi fissent ly signeur. Et fu la retournéz pour savoir se il
avoit esté mors des plaiez. Mais on trouva que il n’avoit plaie nulle,
dont il fust mors, se on l’euist pris en vie, mais il fu estains en
la presse, et chey parmy un fosset, et grant fuisson de Gantois sur luy, qui
morurent tout en sa compaignie. Quant on l’eut regardé une espasse,
on le osta de la. Et fu pendus a un arbre, vela le darraine fin de che
Phelippe d’Artevelle.
SHF 2-343 sync Messirez Daniaulx de Haluyn, qui se tenoit en Audenarde en garnison
et estoit tenus tout le tamps avoec lez chevaliers et lez escuiers moult
honnerablement, le merquedy dont la bataille fu le joedy, ilz qui bien
savoit le roy de France en Flandrez et que bataille aroit as Flamens, fist
sus le tart alumer ou castiel d’Audenarde IIII falos et lanchier hors en
contremont, en segnefiant a ceux qui la seoient, que li siegez seroit tempb 152 r