pb 218 v
plicez sont hors de la dite ville es païs de Braibant, de Haynnau, de Hollan
dez, de Zellandez, de Cambresis de l’evesquiet de Liege, et ilz venront en le
obeissance de nostre dit signeur et de la nostre, et feront les sermens
qui chi aprés seront declairiéz, a nous ou a ceux que nous y cometterons, de
dens II mois aprés la supplicacion de la paix dessus dicte, il jouront
des pardons et des graces dessus dis. Et ceux qui sont es païs d’Englet
ere, de Frise ou d’Alemaigne et autrez decha la grant mer, et venront
a beissance dedens IIII mois aprés le suplicacion dessus dicte, et ceux
qui sont oultre la dicte grant mer, ou a Romme ou a Saint Jaque et ven
ront a ycelle obeissance dedens un an apriés la dicte supplicacion
sans fraude, et juront comme dessus est dit, ilz joiront des gracez
et pardons dessus dis. Et auxi ceulz qui aront esté banis, jugiéz
hors loy ou absens de nostre dicte ville de Gand pour ocazions des
ditez disencions, seront restituéz en leurs fiefs, maisons, rentez et hire
tagez toutez fois qu’il leur plaira. ¶ Item, que des biens meublez
qui ont esté pris d’une part et d’autre, ne sera faite aucune resti
tucion, mais en demoront quite tous ceux qui les ont pris. Et
auxi pour lez obligacions faitez pour l’ocquison faitez de ces biens
meublez, se aucuns n’estoit, pour descargier leurs consiencez, en vau
sissent aucuns rendre. ¶ Item, que les posesseurs ou detempteurs
des maisons dessus ditez aux quellez seront restituéz, tant ceux de
l’une partie comme de l’autre, ne poront d’icellez maisons riens oster
tenant a plonc, a clau ou a queville, et seront tenuez les posessions
d’icellez maisons Gap: wanting Gap: wanting sans rentez et revenuez des hiretagez, demera sans
restitucion, et ce qui en est deu. Et auxi d’orez en avant lez fruis,
rentez et revenuez dessus dictez seront leveez et par eux paisiblement
par ceulx a qui il doivent appartenir. ¶ Item, ja soi ce que pluiseurs
de nos dis subgéz de Gand et leurs complisez aient fait hommage
des fiefs que il tiennent, as autrez signeurs que ceux a qui il a
partient, et par ce leurs dis fiefs poeuent estre fourfais. Che nonobst
ant, nous volons de nostre grace que ychaulx fiefs leur demoront,
en faissant lez homagez a nous de ce qui est tenu de nous, sans
moien, et a nos vassaulx de ce qui doit estre tenu d’eux, et auxi
nous otorissons de grace especial les deshiretemens et ahiretemens
et recongnissancez faitez par loy, entre partiez presentez. ¶ Item, que nos pb 219 r