The Online Froissart

Facsimile mode Settings Browse | Collate

pb 216 v
de avoir paix par celle maniere a son naturel signeur, il n’estoit pas bons ne
loiaux, qui le desvoloit, sus cel estat fu renvoiiéz messires Jehans d’Elle devers
le duc de Bourgongne, qui se tenoit a Arras, et la duçoise ossy, et leur recor
da toutez les ordenancez de ceulx de Gand, et comment il avoient exploitié
et esté armé sus le

Marchié des Venredis, et comment il estoient tout desirant
de venir a paix, et que Pietrez dou Bos n’y avoit mis ne vois ne audience,
mais avoit esté sus le point de estre ochis, se il fust

demoréz ou marchiet,
et que François Acremen s’aquitoit loiaulment et vaillaument de la pais.
Toutez ces cosez plaisirent especiaulment au duc de Bourgongne, et seella
unez triez et un boin respit a durer jusquez au premier jour de jenvier, et
la endedens un parlement et journee de pais a estre assignéz en la
chité de Tournay. Et tout ce raportail bien escript et seellet en la ville
de Gand, dont toutez gens orent grant joie. Car, a ce qu’il monstroient,
il desiroient moult a venir a pais. Et François Acremen s’y enclina grande
ment, et monstroit bien en toutez sez parollez que il y estoit pour le duc
de Bourgongne. Encorez se tenoient messire Jehan de Boursier et ly
Englés et Pietres dou Bos en la ville de Gand, mais on ne faissoit riens
pour eux des ordenancez de la ville ne de tous cez tretiéz. Car il voloient
demorer Engléz, et estoit tenus Pietrez dou Bos en pais, parmy tant que
il avoit juret sus sa foy et loiauté que il ne traiteroit ne procuroit
jamais nulle guerre ne rancune dez bonnez gens de Gand envers le
duc de Bourgongne, leur signeur, et de cez doubtez et perilz l’avoit
osté François Acremen, qui avoit parlet pour luy et remonstré a ceux
de Gand que il se fourferoienl trop grandement et amenriroient de
leur

honneur, se il ochioient ne travilloient Pietre dou Bos, qui leur
avoit esté si bons et si loyaulx que onquez a nulle souppechon ne trai
son il ne le deveirent. Par ces parollez et par autrez demora Pietrez dou
Bos a paix envers ceulx de Gand. Car bien savoient toutez gens que
François Acremen dissoit verité et que Pietrez leur avoit esté, tenant
leur oppinion, bons cappitains.

SHF 2-498 sync Les trievez durant, qui furent prisez et jureez, acordeez et seelleez entre
le duc de Bourgongne et la ville de Gand, furent ordonné tout cil qui
yroient a Tournay depar la bonne ville de Gand, et par especial François Acremen
y fu esleus ou premier chief, pour tant que il estoit gracieux homs et
traitablez et bien congneus des signeurs, ossi y furent principaument avoecq pb 217 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.