pb 214 v
que il en seuist riens." "Ditez leur", dist li dus, "que il en parollent hardiement a luy. Car
il ne me portera nul contraire. Je sens et entens que il desire grandement a venir
a pais et a amour a moy." Tout ce que li dus dist, li chevaliers fist, et retourna a Gand,
et aporta ces deux bonnez nouvellez tant que il s’en contenterent, et puis ala
devers François Acremen au castel de Gavre, et se descouvri de toutez ces beson
gnez secretement a luy. François pensa un petit sus, et puis respondy liement:
"La ou messires de Bourgongne volra tout pardonner, et la bonne ville de Gand tenir
en ses francissez, je n’y seray ja rebellez, mais diligens grandement de venir
a paix." Li chevaliers se party de Gavre et de François, et s’en retourna en France de
vers le duc de Bourgongne, et remonstra tout son traitié, ly dus l’oÿ et y entendy
volentiers, et escripsi lettres ouvertez et lettres closez qui furent seelleez de son seel,
moult doucez et moult amiablez, a ceux de Gand adrechans, et les aporta ly chevaliers,
et retourna en Flandrez et vint a Gand. Mais il n’avoit point les lettres adont
avoecquez luy, mais il s’en fist fors a sire Rogier Evrewin et a sire Jaque
d’Ardembourc, par les quelz la cose estoit toute demenee. Or regardéz le grant
peril ou ly chevaliers et eux se metoient. Car, se par nulle inspiracion ne par quelconques
voie que ce euist esté, messires Jehans Boursiers ne Pietrez dou Bos l’euissent sceu,
il n’estoit riens de leur vie, onquez cose perilleuse ne fu plus sagement de
menee, et Dieus proprement y ouvra.
SHF 2-494 sync Or dissent sirez Rogiers Evrewins et sirez Jaquez d’Ardembourc a messire Jehan
d’Elle: "Vous venréz joedy en ceste ville sus le point de IX heurez et apo
rteréz avoecquez vous les lettres de monsigneur de Bourgongne, si lez monsterons, se nous
poons venir a nostre entente, a la communauté de Gand et leur ferons lire, par
quoy il y ajousteront plus de foy et de creance. Car, a l’eure que nous vous
dissons, nous serons tout signeur de la ville ou tout mort, se vous oés dire, a
l’entrer en la ville, que nous soions au desoulx, vous n’y avéz que faire d’entrer,
mais retournéz dou plus tos que vous poéz. Car, se on trouvoit lez lettres sour vous,
se vous aviéz M viez, si seriéz vous mors. Et, se vous oés dire que nos cosez
soient en boin point, si venéz avant hardiement; vous seréz liement requel
liéz." Messires Jehans d’Elle respondy que enssi seroit fait, atant fina leurs consaulx,
et ce fu le lundy, si se departirent ly un de l’autre, et s’en alerent cascuns en
leurs hostelz. Et messires Jehans d’Elle vuida la ville tous enfourméz et aviséz
de ce que il devoit faire. Ly doy dessus nommé entrerent en grant soing,
pour traire leur besongne a bon chief, et songnierent le mardy et le merquedi
d’aler et de parler a leurs plus feablez amis, lez doiiens des mestiers, et pb 215 r