pb 213 v
il veroient le roy et les François devant leur ville. Car il avoient si grandez a
liancez au roy d’Engletiere que il en seroient bien conforté. En ces jours que je
dy, avoit en la ville de Gand II vaillans hommez, sagez et preudons, de belle vie
et bonne, et de conversacion, de nacion et de linage moiien, non des plus grans ne
des plus petis de la dite ville, aux quelz par especial il desplaisoit trop grande
ment le different que il veoient et la guerre que en la ville il sentoient envers
leur naturel signeur, le duc de Bourgogne, et ne l’ossoient monstrer pour les
exemplez dessus dis de Pietre dou Bos. Ly uns estoit naviierez et ly uns dez plus
grans entre les navieurs qui y fust, quoi que li naviagez en la ville de Gand,
la guerre durant, n’y valoit riens. Et s’appelloit on sire Rogier Evrewin, et
ly autrez estoit bouchiers, ly plus grans de la boucherie et qui le plus y avoit
de vois, de linage et d’amis. Et l’appelloit on sire Jaque d’Ardembourc.
SHF 2-492 sync Par ces II hommez fu la cose premierement entamee, avoecques che que uns
chevaliers de Flandrez, qui s’apelloit messire Jehan d’Elle, sage homme et traitable, y
rendy grant paine, mais, sans le moiien des dessus dis, il n’y fust jamais entréz
ens es traitiéz ne venus, ossi ne fuissent tout li chevalier de Flandrez, c’est cose
posible a croire. Chils messires Jehans d’Elle estoit de pluiseurs gens bien améz en
la ville de Gand, et y aloit et venoit a le fois quant il ly plaissoit, ne nulle sou
pechon de ly on n’avoit, et ossi a nulluy, dou commenchement, de paix ne de guerre
il ne parloit, ne n’euist ossé parler, se li mouvement ne fuissent premierement
yssu des dessus dis sire Rogier Evrewin et sire Jaque d’Ardembourc. Et la
maniere comment che fu, je le vous diray. Chil doy dessus nommet prendoient
grant desplaissance au tourble que il veoient ou païs de Flandrez, et tant
que il en parlerent ensamble, et dist cils Rogiers a Jaqueme: "Qui poroit mettre
remede et atemprance entre la ville de Gand, dont nous sommez de nacion, qui
gist en dur party, et monsigneur de Bourgongne, nostre naturel signeur, che seroit
grant aumosne, et en aroient chil qui che feroient, grace a Dieu et loenge au
monde. Car li differens et li tourblez n’y sont pas bien seant." "Vous ditez voir,
Rogier," che respondy chils Jaquemez, "mais c’est dur et fort a faire. Car Pietres
dou Bos est trop perilleux, si n’ose nulz mettre avant paix, amour ne concorde,
pour la doutance de ly. Car la ou il le saroit, on seroit mort sans merchi, et
ja en ont esté mort tamaint preudomme, qui pour bien en parloient et s’en en
sonniioient ou ensonniier voloient, sy com vous savéz." "Et dont", dist Rogiers,
"demora la cose toudis a cel estat? Il fault que, quant que soit, elle ait
une fin. Et par Dieu qui l’y poroit mettre, onquez si bonne journee ne fu." "Or
me monstréz voie," dist Jaquemez, "et je l’oray volentiers." Rogiers respondy: "Vous pb 214 r