The Online Froissart

Facsimile mode Settings Browse | Collate

pb 211 v
y avoient entret. Et dissoient que onquez si durs voiagez ne fu, et que, se Dieus les
peuist aidier, il veroient volentiers que li rois de France s’acordast ou atrieuast
as Engléz I an ou deus, et puis alast en Escoce tout pardestruire. Car onquez si
mallez gens que Escos sont en nul païs il ne veirent, ne trouverent si faus ne sy
traitrez, ne de sy petite congnissance.
SHF 2-487 sync Li amiraulx de France, par les premiers

retournans decha le mer et par ceux de
son hostel, escripsi tout son estat au roy de France et au duc de Bourgongne, et
comment ly Escot le menoient et avoient menet, et que, se on le voloit ravoir, on
ly envoiast toute la somme telle que il l’avoit faite as Escos et dont il s’estoit en
debtéz, tant des gagez qu’il estoit tenus par promessez as chevaliers et as escuiers dou
païs d’Escoce. Car li Escot dissoient que celle saison il avoient guerriiet pour
le roy de France, non pour eux, et que les damagez que li François leur avoient
fait, tant en bois coper, pour eulx logier et ardoir, que les bles et les avainez
et lez fouragez des camps que il avoient pris et foulléz a

chevauchier parmy, en
sejournant ou païs et en faissant leur guerre, et que sans tout ce satiffaire il
ne pooit retourner. Car enssi il l’avoit juret et promis as barons d’Escoce, et que
dou roy des Coscece en toutez cez demandez il n’avoit en riens esté aidiéz. Ly rois
de France, ly dus de Bourgongne et leurs consaulx estoient tenu de racater l’a
miral. Car il l’avoient la envoiiet, si fissent tantos finance en deniers apparilliéz,
et en furent paiement fait en la ville de Brugez, et toutez les demandez des Escos
la paiez et satifaitez, tant que tout s’en contempterent, et se departy d’Escoce,
quant il ot bien paiiet, ly amiaulx amiablement, autrement ne le seuist il
faire, et prist congiet au roy qui estoit en le Sauvage Escoce, la se tient il trop
volentiers, et puis au conte Jame Dougles et au conte de Mouret, qui le racon
voiierent jusquez a la mer, et monta a Haindebourc. Et ot vent a volenté, et
ariva en Flandrez a l’Escluse. Aucuns che

valiers et escuiers qui en sa compaignie avoient
alé ne tinrent pas son chemin, mais vorent veoir le païs oultre Escoce. Sy en
alerent ly aucun en Norvegue en Denemarce, en Surde ou en Irlande, et sy en
ot qui alerent en Irlande, pour veoir le Purgatore Saint Patris, et ossi ly autre et
retournerent par mer celle saisson en Prusse, mais la grignour partie revinrent en
France et ariverent, ou a l’Escluse, ou au Crotoyet, quel part que il arivaissent,
il estoient si povre que il ne se savoient de quoy monter, et se montoient ly
aucun, especiaulment ly Bourgignon, ly Campegnois, ly Barrois et ly Lorrain, dez
chevaux des ahaniers que il trouvoient sus les camps, enssi se porta ly
rese d’Escoce.

SHF 2-488 sync Quant ly amiraulx de France fu retournéz ariere en France devers le roy pb 212 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.