pb 210 v
compte, et dissoient que sus VI ou VIII estacez il aroient tantos fait nouvellez ma
ncions. De bestez pour vivre trouvoient il assés. Car ly Escoçois lez avoient sau
veez ens es hautez foréz, mais, sachiéz, tout ce que li François prendoient, il leur
convenoit paier et acater bien chier, et furent, telle fois fu, en grant aventure
ly François et ly Escot de mesler par rihote et debat l’un a l’autre. Dissoientli Escot
que ly François leur avoient porté plus de damage que li Englois, et, quant on
leur demandoit en quoi, il respondoient: "En ce que, en chevauchant parmy nostre
païs, il ont foullé et abatu les blés, les orgez et les avainez, et que il ne dag
noient chevauchier les chemins." Des quelz damagez il voloient avoir resto
rier, ainchois que il se departesissent d’Escoce, et que il ne trouveroient
vaissel ne maronnier oultre leur volenté, qui les mesist oultre la mer. Et
pluiseur chevalier et escuier se plaindoient des bos que on leur avoit copéz et de
sertéz, et tout avoient fait li François pour eux logier.
SHF 2-485 sync Quant ly amiraux de France et li baron de France, chevalier et escuier qui en
sa compaignie estoient, furent retourné en le marce de Haindebourc il
orent moult de dissettez et de souffretez, et ne trouvoient a painez riens pour
leurs deniers, de vins n’avoient ilz nulz, a grant paine pooient il avoir
de la petite cervoise et dou pain d’orge ou d’avaine, et estoient leur che
val mort de froit et effondu de povreté et de fain. Et, quant ilz les volo
ient vendre, il ne savoient a qui ne qui leur en donnast maille ne denier,
ne de leur harnas ossy. Si remonstrerent che li signeur a leur cappitaine
l’amiral, comment il estoient mené, et ils ossi le savoit bien de ly meismez.
Et ly dissent que il ne pooient longuement vivre en celle paine. Car
ly royaulmez d’Escoce n’estoit pas uns paÿs pour yvrener ne hostoiier,
et que avant l’esté revenu, se il demoroient la, il seroient tout mort
de povreté, et, se il s’espardoient sus le païs pour querre leur mieux, il
faissoient doubte que ly Escot, qui lez haioient pour leurs varléz qui lez
avoient batus et villenéz en fouragant, ne les mourdresissent en leurs
lis, quant il seroient aseuléz. Car il en ooient bien aucunez nouvelles. Ly
amiraulx considera bien toutez cez cosez, et veoit asséz clerement que il
avoient droit et raison de ce remonstrer, quoi que il euist ymaginacion
et pourpos de la yvrener et de remander tout son estat au roy de
France et au duc de Bourgongne, et devissoit que, pour eux rafresquir,
sus l’esté, on ly renvoieroit gens, or et argent et pourveancez, et fer
oit bonne guerre as Engléz, mais bien veoit, tout consideré, la mau
vaisté des Escos, et le povreté dou païs, et le peril ou sez gens seroient pb 211 r