Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 210 r | Next
pb 210 r
d’onneur ne d’avanchement pour nous ne pour nos gens, et, se vous voléz faire le voiage
que vous nous mettéz avant, se le faitez. Car point ne le ferons, ainchois retournerons
en Engletiere, et tout cil qui nous aiment se nous sieuent !" Dont respondy ly dus
de Lancastre, et dist: "Et je vous sieuray, monsigneur. Car vous n’avéz homme en vostre
compaignie qui tant vous ayme comme je fay, et my frere ossi. Et, se nulz voloit
dire ne mettre oultre, excepté vostre corps, que je vosisse autre cose que bien a vous
et a vos gens, j’en bailleroie mon gage." Nulz ne releva ceste parolle, et ly rois se
taissi, et parla a ceux qui le servoient d’autre parollez en luy ordonnant que pour retour
ner en Engletiere le chemin que il estoient venu. Et li dus de Lancastre se de
party dou roy pour l’eure tous merancolieus, et retourna entre sez gens, et fist
nouvellez ordonnancez. Car au matin il quidoient poursieuir jusquez en Gallez
les François et les Escos, mais non fissent, anchois se missent tout au retour vers
Engletiere. Or regardéz comment li contez d’Asquesufort, qui estoit pour le tamps
tous li coers du roy, rompi che voiage. Bien dissoient li aucun signeur que ly
rois estoit mal consilliéz ou cas que il avoit toutez ses pourveancez avoec
luy, de ce que il ne poursieuoit les Escos jusquez en Gallez. Car toudis en
faissant che cemin raproçoit il Engletere, et ly autre qui resongnoient le paine
tout consideré dissoient que non, et que il faisoit pour si grant ost comme il
estoient, trop dur sus le tamps d’ivier et passer les montaignez entre Nor
thombrelande et Gallez, et que plus y pooit on perdre que gaegnier a faire
che voiage.
SHF 2-484 sync Enssi se porterent en celle saisson ces besongnez, et se desrompi ceste chevauchie.
Et se retournerent li rois d’Engletiere et si baron ariere tout le chemin
que il estoient venu en Engletiere, mais il avoient destruit la grignour
partie dou royaulme d’Escoce. Ches nouvellez vinrent a l’amiral de France et as
barons de France et d’Escoce, que ly Englois retournoient et s’en raloient en
leur païs. Sy orent entre eux conseil comment il se maintenroient, consilliet
fu et aresté que il s’en retourneroient ossi. Car pourveancez leur commench
oient a fallir, et si se trouvoient en povre païs. Car il avoient tout destruit
le marce de Karlion et la terre le baron de Clifort et le signeur de Moutbray
et l’evesquiet de Karlion, mais la cité ne peurent il avoir. Et disoient ly
François entre eux que il avoient ars en l’evesquiet de Durem et en l’eveskiet
de Karlion tels IIII villez qui mieux valoient que toutez lez villez dou roy
aulme d’Escoce ne fesissent, si retournerent en leur païs ly Escochois et ly Fra
nçois auquez le chemin que il avoient fait, et, quant il rentrerent en la douce Escoce,
il trouverent tout le paÿs destruit. Mais lez gens dou paÿs n’en faissoient pb 210 v