pb 206 v
SHF 2-474 sync Nouvellez vinrent a messire Jehan de Hollandez que ly uns des archiers a
messire Richart de Stafort avoit mort son escuier, cely ou monde que il a
moit le mieux. Et la cause pourquoy on ly dist que ce avoit esté par la couppe
de messire Nicle, ce chevalier estraigne. Quant messires Jehans de Hollandez fu enfourméz
de ceste avenue, si quida bien foursener, et dist: "Jamais ne buveray ne men
geray si sera amendé." Tantos il monta a ceval, et fait monter de ses hommez.
Et se part de son logis, et ja estoit tout tart, et se traïst sour les camps, et fait
enquerre ou cils messires Nicles estoit logiéz. On ly dist que on pensoit bien
que il estoit logiés en l’arieregarde avoecquez le conte de Deveziere et le conte
de Staffort et leurs gens. Messires Jehans de Hollandez prist che cemin, et comme
ncha a chevauchier a l’aventure pour trouver che messire Nicle, enssi que ilz
et ses gens chevauchoient entre haiez et buissons droit sus l’estroit d’un
pas, ou on ne se pooit destourner que on n’encontrast l’un l’autre, messires
Richars de Stafort et messires Jehans de Hollandez s’entrecontrerent. Pour ce
que il estoit nuis, il demanderent en passant: "Et qui est la?" et, en entrant
l’un dedens l’autre: "Je suy Stafort." "Et je suy Hollandez." Dont dist messires Jehans
de Hollandez, qui estoit encorez en sa felonnie: "Stafort, Stafort, ossi te deman
doiie, tels gens m’ont mort mon escuier que bien amoie." Et a ces cops
il lance une espee de Bourdiaux que il tenoit toute nue, ly cops chey
sus messire Richart de Stafort, li bouta ou corps, et la l’abati mort, dont
che fu grans pitéz. Et puis passa oultre, et ne savoit pas encorez que
il avoit assené, mais bien savoit que il en avoit l’un mort, la furent
les gens de messire Richart de Stafort moult courouchié, che fu raissons, quant
il veirent leur maistre mort, et commenchierent a criier et a dire: "A! Hollandez,
Hollandez, vous avéz mort le fil au conte de Stafort ! Pesmez nouvellez
seront au pere, quant il sara ce !" Aucunez des gens a messire Jehan de
Hollandez entendirent ce, le dissent a leur maistre: "Sire, vous avéz
mort messire Richart de Stafort." "A le bonne heure," dist messires Jehans, "j’ay
plus chier que je l’aie mort que menre de luy. Or ay je tant mieux
contrevengiet mon varlet." Adont s’en vint messires Jehans de Hollandez
en la ville de Saint Jehan de Bumelé, et en prist la francisse, et point
ne se departy de la, car la ville est francque, et bien savoit que il y
aroit, pour la mort dou chevalier, de ses amis grant tourble en l’ost, et ne
savoit que ses frerez, ly rois Richars d’Engletere, en diroit, dont, pour
esquieuer tous perilz, il s’enfrema en la villa. pb 207 r