The Online Froissart

Facsimile mode Settings Browse | Collate

pb 196 v
que je l’ay en ma compaignie, mais, au congiet prendre, aprés che que
il l’ot baissié sa fille, il m’a

pella d’un lés, et me dist enssi: "Or, Fedri, biau
frere, vous en menéz Ysabiel, ma fille, et sans nul seur estat. Car, se ly rois
de France ne le voelt,

elle sera virgondee a tous les jours qu’elle vivera.
Sy vous aviséz bien au partir. Car, se vous le me ramenéz, vous n’aréz pieur
ennemy de moy." Or regardéz dont, biaux onclez, et vous, belle ante, en
quel party je me suy mis pour l’avancement de ma cousine!" Dont res
pondy la duçoise: "Biaus cousins, n’en faitez nullez doutez, Dieux y ouvera,
elle sera roine de France, si seréz quitez de cez manacez, sy aréz le gret
et l’amour de vostre frere."
SHF 2-449 sync Enssi se tinrent au Quesnoy en Haynnau ly dus Fedris et sa cousine,
dalés leur oncle et la duçoise et leurs enffans, bien III sepmaines.
Et endoctrinoit la duçoise, qui fu moult sage, tous lez jours en manierez
et en contenancez le jone fille de Baiviere, quoique de sa nature elle
estoit propre et pourveue de sens et de doctrine, mais point de françois
elle ne savoit, la duçoise Marguerite de Haynnau ne laissa miez sa cousine
en l’abit ne en l’arroy ou elle estoit venue. Car il estoit trop simplez
selonc l’estat de France, mais le fist parer, vestir et ordonner de toutez coses
ossi richement et grandement que dont que ce fust sa fille. Et quant
tout fu acomply et li jours vint que on deut partir, la duçoise et elle
et sa fille de Bourgongne en grant arroy se departirent dou Kesnoy, et
prissent le chemin de Cambray. Et esploitierent tant ly dus Aubers, ly
dus Fedris, Guillaumez de Haynnau et leur compaignie, que il vinrent a
Amiens.

Ja y estoit venue par un autre chemin la duçoise de Braibant, ossi
estoient ly rois, li dus de Bourgongne et la duçoise de Bourgongne et ly
consaulx dou roy, ly sirez de la Riviere et messires Guis de la Tremoulle, baron,
chevalier et escuier yssirent hors de la citté d’Amiens contre la venue de la
duçoise de Haynnau, et la convoierent jusquez a son hostel.

Or furent
chil signeur et cez damez enclos dedens Amiens, et commenchierent
a viseter et a conjoir l’un l’autre, et a faire des honneurs grant fuisson,
et trop petit de gens savoient, fors ly troy duc qui la estoient et les
trois duçoisez et leurs enfans, et ly sirez de la Riviere et messires Guis
de la Tremoulle et ly sirez de Couchi, car ly dus de Berri l’en avoit I
petit devant environ le Saint Jehan parlé en Avignon, sy estoit la
venus en grant quoite, pourquoy cil signeur et cez damez estoient
la asamblé, mais a painez pooit ly rois dormir pour frefel de veoir pb 197 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.