pb 140 v
de gens d’armez mieux demander ne deviser.
SHF 2-322 sync Ordonné avoient cil signeur et compaignon, qui le riviere par bacquéz ce
soir avoient passet, quant il se trouverent en cez maréz, si com je vous
ai dit, et il veirent que li Flamenc atendoient la nuit pour eux combatre.
Car au voir dire il ne se trouvoient pas tant que il les osaissent envair, et
avoient dit : "Quant il venront sur nous, il ne pueent savoir quel nom
bre de gens nous somez, cascuns escrie, quant il venra a l’asambler, l’en
sengne de sen signeur desoulz qui il est, ja soice cose que li sirez ne soit
miez chi, et li cris que nous ferons et la vois que nous entre eux espar
derons, lez esbahira tellement que il s’en deveront desconfire, avoec che
que nous lez requellerons aigrement as lanchez et as espeez." Dont
il en avint enssi. Car, quant il aprochierent pour combatre lez François,
chevaliers et escuiers commenchierent a escriier haut pluiseurs cris et de pluiseurs
vois, et tant que li connestablez de France et cil de l’avantgarde qui
estoient encorez a passer, l’entendirent bien, et disent : "Nos gens sont en armez,
Dieux leur vaille ! nous ne leur poons aidier hasteement." Evous Pietre
dou Bos tout devant et cez Flamens venus, qui furent requelliet de
ces longhez glavez as fers trenchans et afilléz de Bourdiaux, et lez maillez
de leurs cotez ne leur duroient non plus que toille doublee en trois doublez,
mais lez passoient tout oultre et lez enfilloient parmy ventrez, parmy poitri
nez et parmy testez. Et quant cil Flamenc sentirent cez fiers de Bourdiaux,
dont il se veoient enpaléz, il reculloient, et li François pas a pas avant pas
soient et conqueroient terre sus eulx. Car il n’en y avoit nul sy hardy qui
ne resongnast les cops. La fu Pietrez dou Bos auquez des premiers navréz et
enpalléz d’un fier de glave tout oultre l’espaulle et blechiéz ou chief, et
euist esté mors sans remede, se ses gens a force, ceux que il avoit ordonné
pour son corps, jusquez a XXX fors gros varléz qui le prissent entre leurs
bras et le porterent hors de la presse. Ly bourbe jus de la cauchie aval
Commignez estoit si grande que toutez gens y entroient jusquez en my la
jambe. Ces gens d’armez de France, qui estoient uset et fait d’armez, vous
commencent a reculer cez Flamens et a batre sans deport et a ochire, la
crioit on : Sempi ! Laval ! Sansoire ! Enghien ! Antoing ! Sconnevort ! Saumez !
Haluin ! et tous cris dont il y avoit la gens d’armez. Flamenc se commench
ierent a esbahir et a desconfire, quant il veirent que ces gens d’armez
lez asalloient et requeroient si vaillaument et lez poussoient de leurs
glavez a ces lons fiers de Bourdiaux, qui lez empaloient tout oultre. pb 141 r