pb 193 v
avoec tout che ly rois d’Escoce se faissoit dangerer de traire avant, ossi faissoient chevalier
et escuier d’Escoce, pour le cause de ce que il dissoient que il ne voloient point celle
saisson faire de guerre as Engléz, afin que il fuissent priiet et acatet bien et chier.
Et convint, avant que ly rois vosist issir de la Sauvage Escoce et venir en Hainde
bourc, que il euist une grant somme de florins pour luy et pour sez gens. Et pro
mist et seella messires Jehans de Viane, qui estoit la souverains chiéz de tous, que point
il ne vuideroit dou païs se seroient ly rois et toutez sez gens satisfais, autrement
il n’euissent eu nulle aide des Escos, se li convenoit faire che marchié ou pieur, et
et encorez, quant il ot tout le milleur acord et la grignour amour qu’il peut
avoir a eux, si ne fissent il gairez de leur pourfit, si com je vous recorderay avant
en l’istoire, mais je voel retourner a parler I petit dez avenuez de Flandrez et
dou mariage le jone roy de France, qui se maria en celle saisson, et comment
Ardembourc fu pres prise et emblee, ou li viscontez de Miaux et messires Jehans de Jeumont
se tenoient en garnison.
SHF 2-443 sync Depuis la desconfiture qui fu faite des gens que messires Riflars de Flandrez mena
ens es IIII Mestiers oultre Gant, vint en Ardembourc et fu envoiiéz en garnison
messires Robers de Biethune, viscontez de Miaulx. Et trouva la messire Jehan de Jeumont
et les compaignons, et ossi il y amena environ XL lancez, chevaliers et escuiers, qui tout
se desiroient a aventurer. Quant li viscontez fu la venus, si entendy a remparer
et a refortefiier la ville de tous poins. François Acremen et cil de Gand soutilloient
et visoient, nuit et jour, comment il poroient nuire leurs ennemis et porter da
mage, et pour ytant besongnoit il bien a ceulx qui leur estoient prochain, comme cil
d’Audenarde, de Tenremonde, de Ardembourc, de Brugez, dou Dam et de l’Escluse estoient,
que il fuissent sus leur garde et songneus de leur ville, car, au voir dire, chils
François Acremen y estoit moult ablez pour embler, pour eskieller et pour faire
des soutieuez emprisez. Et tenoit et avoit dalléz luy gens et compaignons moult
ablez et soutilz a ce faire. Et avint que, environ l’issue de may, François Acremen, luy
VII mille hommez tous arméz, se departy de Gand, sus celle entente que pour
embler et eskieller Ardembourc, pour le convoitise de prendre et de avoir les
chevaliers et les escuiers qui dedens estoient en garnisson, et par especial le cappitaine
messire Jehan de Jeumont, le quel il desiroient plus a tenir que nulz des aultre.
Car il leur avoit portéz et fait tant de contrairez et de damagez, de ochire et
de mehagnier leurs gens, ou de crever les yoelx, ou de copper piéz, poins ou oreillez,
que il ne le poroient amer, et sus celle entente s’en vinrent il par un merquedy
droit au point dou jour a Ardembourc, et avoient avoec eulx leurs eschiellez
toutez pourveuez, et dormoient en leurs lis tout paisiblement, sus le fiance pb 194 r