The Online Froissart

Facsimile mode Settings Browse | Collate

pb 188 r
pourveancez et de toutez cosez necessaires appartenans a guerre, et ossi le castiel de
Gauvre et tout che qui se tenoit pour eux. En che tamps avoit une maniere de
gens routiers ens es bos de le Raspaille que on appelloit lez Pourceléz de le
Raspaille. Et avoient en ces bos de le Raspaille fortefiiet une maison tellement
que on ne lez pooit ne prendre ne avoir,

et estoient gens escachiet de Gran
mont et d’Alos et des autrez terrez de Flandrez, ly quel avoient tout perdu
le leur. Et ne savoient de quoy vivre, se il ne le pilloient et reuboient la
partout ou il le pooient prendre, et ne parloit on adont fors des Pourceléz
de le Raspaille, et siet cilz bos entre Regnais et Granmont, Enghien et Lessinez,
et faissoient moult de maulx en le castelerie d’Ath et en la terre

de Floberghe
et de Lessinez et en la terre d’Enghien. Et estoient cil avoé de ceux de Gand.
Car soubz l’ombre d’eux, il faissoient moult de mourdrez, de larchins, de
pillagez et de roberiiez, et venoient en Haynnau querre et prendre lez hommez
en leurs lis et les en menoient en leur fort de le Raspaille. Et lez ranchon
noient, et avoient guerre a tout homme puis que il le trouvoient. Ly castelains
d’Ath, qui estoit pour le tamps sirez Bauduins de le Motte, fist par pluiseurs fois dez
agais sour eux, mais il ne lez pooit avoir ne atrapper. Car il savoient
trop de refuitez, et les resongnoit on tant en la frontiere de Haynnau et de
Braibant, que nulz n’osoit aler che chemin ne ens ou païs.
SHF 2-433 sync Li dus de Bourgongne d’autre part avoit garni et repourveu parmy
Flandrez, pour la guerre que il atendoit, ses villez et ses castiaux.
Et estoit cappitaine de Brugez ly sirez de Gistellez, et de l’Escluse messires Guillaumez
de Namur. Car pour ce il en estoit sirez, et dou Dam messires Guis de Gist
ellez, et de Courtray messires Jehans

de Jeumont, et de Yppre messires Pieres
de le Niepe, et enssi par toutez les villez et forterecez de Flandrez y avoit gens
d’armez depar le duc de Bourgongne. En la ville de Ardembourc parellement
se tenoient en garnison messires Guys de Pontarliéz, mareschaus de Bourgo
ngne, et messires Riflars de Flandrez, messires Jehans de Jeumont, messires Henris
d’Antoing, ly sirez de Montegni en Ostrevant, ly sirez de Longueval, messires
Jehans de Berlette, messires Pierez de Bailloel Bielle Fouriere, Phelippot de
Gauci, Raoulin de la Follie et pluiseurs autrez, et estoient bien ces gens d’armez

IIC combatans, si se aviserent ly un par l’autre et se missent en volenté de
chevauchier ens es IIII Mestiers et destruire celly païs. Car moult de dou
ceurs en venoient a ceux de Gand, si se departirent I jour tout armé
et apresté pour faire leur emprise. Et chevauchierent celle part pour bien pb 188 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.