pb 179 v
le confort et tout, de tout ce estoient il seur et certefiiet, disimuloient ce
qu’il pooient et faissoient disimuler leurs amis, a le fin que nulle emblave
mence de guerre ne se remesist en Escoce.
SHF 2-412 sync Quant li hiraus d’Escoce fu venus devers le roy d’Engletiere et sez onclez, bien
enfourméz de ce que il devoit dire, il se mist en jenoulz, et pria et requist
que comme hiraus au roy d’Escoce il peuist estre oys a faire son mesage. Ly rois
et ly signeur li acorderent, che fu raisons, la leur remonstra il sur quel estat
il estoit la envoiéz dou roy singulerement et des ambasadours dou roy de
France, et les excusa en dissant que ly rois d’Escoche avoit benignement
recheu les mesagez dou roi de France et entendu a ses traitiéz
tant que pour tenir la trieue, et avoit fait entendre et encliner, ce que il
avoit peut, sez hommes, mais ly marcissant d’Escoce a la terre le signeur de
Persi et le conte de Notinghen telz que le conte Douglas, le conte de le Mare,
son oncle, messires Archebaus, messires Rame, messires Pierez, messires Guillaumez et messires
Thomas Douglas et tout ly frere de Lindesee et chil de Ramesay et messires Guillaume
Asneton avoecquez ne vorent onquez demorer ens es parlemens pour a
cepter la trieue, et dissoient que on leur avoit fait et porté grant damage
en leurs terrez, les quelz cosez leur estoient desplaissans et a tous leurs
amis. Et s’en contrevengeroient, quant il poroient. "Et quant li signeur,
mi chier signeur, que je vous ay nomméz, fissent leur asamblee pour a
ler en Engletiere, si com il ont fait, onquez il n’en parlerent au roy ne a
ceux de sa cambre. Car bien savoient que on ne leur eust pas consenty, non
obstant que il dient en Escoce que la premiere incidense de ceste guerre
muet de vous. Car bien savéz, my signeur, che dient ly nostre, que la
trieue estoit prise et acordee dela la mer, et en deviens estre tantos, vous
retourné de Callais en Engletiere, segnefiiet. Et oultre il dient que les
ambasadours de France, qui par chi passerent, furent detriiet a non venir
devers nous en Escoce, si com il deussent, et trop longuement lez tenistez en
sejour et en solas, pourquoy ly meschiés avenus est et encourus entre
Escoce et Engletiere des partiez qui se sont regardé et avisé, et que soulx ombre
de disimulacion la plus grant part de ces cosez sont faitez et acomp
liez. Mais mon tres redoubté signeur le roy d’Escoce et cil de sa cambre,
et ly ambasadour dou roy de France, qui a present sejournent dalés ly,
s’excusent et voellent excuser que de la darraine armee que ly baron
et chevalier aucun d’Escoce ont fait en Engletiere, il n’en savoient riens ne n’ont pb 180 r