pb 173 r
de sejourner, et tant de haulx princez et de noblez signeurs se trouvoient
sus les camps, et ossi on le demandoit. Car il estoit uns grans chiés en
l’arrieregarde, sy valoit trop mieux que il se mesist a voie et en la volenté
de Dieu, que che que on supposast que il demorast deriere par faintise. Ly
gentilz sirez se mist au chemin, et ne pooit nullement souffrir le cheva
uchier, mais il se mist en litiere et se party de son hostel et prist congiet
a madame sa femme et a Loïs, son fil, pluiseurs gens de son conseil meismes
ly tournoient che voiage a grant outrage, pour la cause de ce que il
faissoit chaut et estoit li tamps moult enfermesz. Et ly autre, qui en ooient
parler, le tournoient a vaillance. Avoec lui se departirent de Haynnau
ly sirez de Havrech, ly sirez de Zenzelles, messires Grars de Varrieres, messires
Thumas de Distre, ly sirez de Donstievene, messires Jehans de la Ghistelle,
qui devint chevaliers en che voiage, et pluiseur autre. Sy passa parmy Cambray,
et puis vint a Arras, et plus cheminoit, et mieux de sa santé luy estoit,
si seurent ses gens de Blois que il venoit, si vinrent tout contre luy,
quant il fu venus a Arras, et se missent tout ensamble, si se trouverent
bien IIIIC lancez, et toudis les sieuoient leurs pourveances qui venoient
de Haynnau bellez et grandez. Car de ce estoit il bien estoffes. Or par
lerons dou roy de France.
SHF 2-386 sync Tant esploita ly rois de France que il vint a Saint Omer, et la
s’aresta et rafresqui, et ly avantgarde, ly connestablez et ly ma
rescal alerent vers le mont de Casel, que Engléz tenoient. Sy asal
lirent la ville. Et fu prise d’assaut, et tout cil mort qui dedens
estoient. Et cil qui escaperent, se retraissent vers la ville de Berghez, la
ou messires Huez de Cavrelee estoit et bien III mille Engléz, et ly evesquez
de Nordvich n’y estoit pas, enchois estoit retrais vers Gravelinez, pour
tantos estre a Callais, se mestier faissoit, tous ly païs de environ Cassel
fu ars et pilliéz et delivréz des Engléz. Adont se departy li rois de
France de Saint Omer, et s’en vint logier en une abbeie, oultre ou
chemin de Berghez, que on dist Ravemberghe, et la s’aresta, che fu un
venredy, le samedy au matin chevauchierent chil de l’avantgarde, ly
connestablez de France et ly marescal,e ly sirez de Couchi, et grant
fuisson de bonnez gens d’armez, et s’en vinrent devant le castiel de
Tringhem, ou il avoit environ III chens hommez d’armez engléz, qui le
tenoient et qui toute la saison une garnison faite en avoient. On fist pb 173 v