The Online Froissart

Facsimile mode Settings Browse | Collate

pb 171 v
les dodanes des fosséz de la ville, traioient saietez a ceux dedens sy ouniement,
sy roit et sy drut, que a painez osoit nulz aparoir as crestiaux de la ville et
as deffensez. Et requellierent cil de Yppre che jour bien le valleur de deus ton
niaux plains d’artellerie, especiaulment de saietez qui furent traitez en la ville, et
n’osoit nulz aler par lez ruez qui marcissoient as murs ou ly asaux estoit, pour
le trait, se il n’estoit trop fort arméz et paveschiéz. Enssi dura chilz assaux jusques
a la nuit, que li Englés et li Flamenc qui tout le jour avoient assalli en II ba
taillez, retournerent en leurs logis tout lasset et tout travilliet, et ossi estoient
chil de la ville d’Ippre.

SHF 2-382 sync Quant li Englés et li Flamenc, qui devant Ippre seoient, veirent que point ne
conqueroient la ville d’Ippre par assaut, et que moult perdoient de leur ar
tillerie, sy aviserent que il feroient fagoter grant fuisson de fagos et a
mener devant lez fosséz, et les feroient jetter ens es fossés pour raemplir, et
estrain et terre sus, et feroient tant que main a main il yroient combatre
ceux de la ville et miner

les murs et abatre, par enssi il le conqueroient.
Adont furent mis ouvrier en oevre, et envoiierent chil de l’ost tout en
viron Yppre copper et abatre bos, et fagoter, et acariier a fait, et puis mettre
et asseir sus lez terrees des fossés, et la envoiier. Che ne fu pas sitretos
fait, ne il ne peurent paracomplir leur ouvrage. Car ly rois de France, qui
avoit grant desir de lever le siege et combatre lez Engléz, comment que che
fust, avancha ses besongnez, et se departy de Compiegne, et fist tant que
il vint a Arras. Ja estoient passet li connestablez de France et grant fui
son de Bretons, qui estoient ordonné pour l’avantgarde, et logiet en Artois,
et ly dus de Bretaigne venoit atout II mille lancez, qui avoit grant affec
tion de conforter a che besoing son cousin, le conte de Flandrez, et moult y estoit
tenus. Car il l’avoit en trouvé tres apparilliet dou tamps passet en ses.
Tout signeur aprochoient, lontain et prochain, et vint li contez de Savoie
et ly contez de Genevre, a bien VIIC lancez de purs Savoiens. Ly dus Fedris
de Baiviere s’avalla aval a bellez gens d’armez, et vint en Haynnau, et se tint
au Kesnoy, et se reposa et rafresqui dalléz son oncle le duc Aubert et sa
ante, la duçoise Maguerite, et sez cousins leurs enffans. Ly dus de Lor

raine
et li dus de Bar, atout grant route, passerent oultre, et s’en vinrent lo
gier en Artois. Messires Guil

laumez de Namur, qui point n’avoit esté en ces
guerrez dessus nommeez, car ly contez l’en avoit deporté, vint servir le roy
et le duc de Bourgongne a IIC lancez de tres bonnez gens d’armez, et pas
serent parmy Haynnau et s’en vinrent logier en Tournesis. Seigneur pb 172 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.