The Online Froissart

Facsimile mode Settings Browse | Collate

pb 170 r
de Lige vint en Haynnau et passa a Valenchiennez, et ala a Douay et puis a Lille,
et parla au conte qui l’enfourma de tout che que il voloit que il desist, adont
vint ly evesquez de Liege devant Ippre, ou li evesquez de Nordvich et li Englois et
cil de Gand seoient, qui le requellierent liement et l’oirent volentiers parler.
SHF 2-378 sync Je fuy adont enfourméz que li contez de Flandrez, par la parolle de l’evesque de
Liege, offroit a

l’evesque de Nordvich et as Engléz, que il se vosissent deporter
de tenir le siege devant Ippre, et aler autre part faire guerre raisonnable sus
lez Clementins, et il le feroit servir a V lancez, trois mois tous pleniers, a ses
coustagez. Ly evesquez de Nordvich et li Engléz respondirent que il s’en consille
roient. Il se consillierent et parlerent ensamble, et la ot pluiseurs parollez retour
neez. Car cil de Gand dissoient que nullement on n’euist trop grant grant
fiance ens es proumessez dou conte. Car il les honniroit, se il pooit, sy que,
tout consideré, on respondy a l’evesque que il se pooit bien retraire, quant il
luy plaisoit, et que de cez requestez on ne feroit nullez, et que dou siege ou il
estoient, il ne se departiroient si aroient le ville d’Ippre en leur commandement.
Quant ly evesquez vei que il n’esploiteroit autrement, si prist congiet et s’en
re

tourna a Lille, et fist la response au conte, etquant li contez vey que il n’en a
roit autre cose, si fu plus pensieus que devant, et perchut bien adont tout
clerement que, se la poissance dou roy de France ne levoit le siege, il perderoit la
bonne ville d’Yppre. Sy escripsi tantos toute cez responsez et ces parollez en letres,
et lez envoia par I sien chevalier devers son fil et sa fille de Bourgongne, qui se
tenoient a Compiengne. Et li evesquez de Liege party dou conte, et s’en retourna
par Douay et par Valenchiennez ariere en son païs.
SHF 2-379 sync Li dus de Bourgongne se tint pour tous enfourméz que lez cosez yroient et
se porteroient mal en Flandrez, se li rois de France et sa poissance n’y pour
veoient de remede. Sy fist tant que uns grans

parlemens fu asignéz a estre a
Compiengne de tous lez haulz princez dou royaulme de France. A che parlement
vinrent tout chil qui mandé y furent, et personnellement ly dus de Bretaigne
y fu, et pluiseur hault baron de Bretaigne. La fu parlementé et consilliet que ly rois
de France, par l’acord de sez onclez le duc de Berri, le duc de Bourgongne, le duc
de Bourbon, venroit en Flandrez ossi estoffeement, ou plus, que quant il fu
a Rosebecque, et leveroit le siege de devant Yppre et combateroit les Engléz
et lez Flamens, se il l’atendoient. Toutez ces cosez confremeez et acordeez, ly rois
de France fist un mandement general par tout son roiaulme, que cascuns, pour
veus enssi comme a luy apartenoit, le XVe jour d’aoust, fust a Arras ou la environ. pb 170 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.