pb 137 r
presentement.
SHF 2-316 sync En venant l’avantgarde de Lille a Commignez, ly sirez de Saintpy, qui
congnissoit le païs, et aucun autre chevalier de Haynnau, de Flandrez et d’Ar
tois et ossi de France, sans le connestable et les mareschaux, avoient eu par
lement ensamble et avoient dit : "Se nous aviens II ou III bacquéz, se
lez fesissiens lanchier en celle riviere dou Lis au desous de Comminez a le cou
verte, et eussons de une part de l’aighe et de l’autre estacquez et mis cordez
as estacquez, selonc ce que la riviere n’est pas trop large, nous seriens
tantos une grant quantité de gens mis oultre, et puis par deriere nous
venriens asaillir nos ennemis, nous conqueriemez sus eux le pas, et se ne
fesissons passer fors que droitez gens d’armez." De quoy chilx consaulx
avoit esté tenus, et avoit tant fait ly sirez de Sampy que sus I car
il faisoit acariier de la ville de Lille ou, les cordez et toute l’or
donnance avoecquez ly. D’autre part, messires Herbaus de Belleperce et
messires Jehans de Roye, qui estoient compaignon en che voiage ensamble, en
faissoient ossi un venir et acariier. Messires Henris de Mauny et messires Jehans
de Malatrait et messires Jehans Cauderons, Bretons, qui avoient estet a ces devisez,
en querquoient ossy un, et tant fissent que il eurent. Il le fissent cargier sus
un car et sieuir le route des autrez, ly sirez de Saimpy fu tous ly premiers qui
vint, atout son bacquet et l’ordenance des cordez et des estaquez, sur la
riviere, si desquerquerent et estequerent au lés devers eux I grant et gros
planchon, et puis y aloiierent la corde, si passerent III varllet oultre, et
misent le bacquet et la corde outre, et estequerent encorez derechief un
grant gros planchon oultre, et y atacquerent l’autre coron de la corde, et
puis ramenerent ly vallet le bacquet a leurs maistres. Or estoit avenu
que ly connestablez de France et li doy mareschal qui se tenoient au de
hors dou pont a Comminez, furent enfourmé de ceste besongne, enssi que
il busioient comment il trouveroient passage, si avoit dit li connestablez
a messire Loïs de Sansoire : "Mareschaux, aléz veoir que c’est et quel cose il
font, et se paine puet estre emploie a passer, par celle maniere que vous
avéz oy deviser, la riviere, et, se vous veés que che soit cose qui se
taille a faire, si en mettéz aucuns oultre." Dont entruéz que cil chevalier
qui la estoient, s’ordonnoient pour passer et que leurs bacquéz estoit
tous aprestéz, vint la ly mareschaux de France et grant route de
chevaliers et escuiers en sa compaignie. On ly fist voie, che fu raisons.
Il s’aresta sus le rivage et regarda volentiers le convenant et le pb 137 v